ఢిల్లీ హైకోర్టుకు సంబంధించిన వీడియో ఒకటి సోషల్ మీడియాలో చక్కర్లు కొడుతోంది..అదేదో సంచలన తీర్పుకు సంబంధించిందో.. జడ్జి న్యాయవాదినో, లేక నిందితుడినే మందలించిన వీడియో కాదు.. ఆన్ లైన్ ఓ లాయర్అనుచిత ప్రవర్తనకు సంబంధించింది. ఈ వీడియో నెట్టింట పెద్ద చర్చకు దారి తీసింది.
ఆ ఫుటేజీలో న్యాయవాది కోర్టు దుస్తుల్లో ఓ మహిళతో అనుచితంగా ప్రవర్తిస్తున్నట్లు కనిపిస్తోంది. తన గదిలో కూర్చుని లైవ్ కెమెరా ముందు మహిళ చేతిని లాగి తన వైపుకు లాగుతున్నట్లు దృశ్యాలు కనిపిస్తున్నాయి. ఆమె వద్దు వద్దు అంటుంటే.. న్యాయవాది మాత్రం ఆగకుండా ఆమెకు ముద్దు పెట్టినట్లు వీడియోలో కనిపిస్తుంది.
వైరల్ అయిన ఈ వీడియోపై నెటిజన్లు రకరకాలుగా స్పందిస్తున్నారు. సుప్రీంకోర్టు న్యాయవాది శశాంక్ శేఖర్ ఝా ఢిల్లీ హైకోర్టు అనే క్యాప్షన్‌తో వీడియోను తిరిగి షేర్ చేశారు. ఈ వీడియో పోస్ట్ చేసిన రెండు గంటల్లోనే 90వేల మంది చూశారు. వీడియోలో ముఖం కనిపించని న్యాయవాదిని, ఆ మహిళ ఎవరనేది ఇంకా గుర్తించలేదు.
ఇక నెటిజన్లు తమదైన శైలీలో స్పందించారు. ఆయన న్యాయమూర్తి.. కాదు.. న్యాయవాదిలా కనిపిస్తున్నారు. ఇది జస్టిస్ ఢిల్లీ హైకోర్టు ప్రాంగణంలోని జ్యోతిసింగ్ కోర్టు.. అప్పుడు కోర్టు సెషన్ లో లేదు అన్నారు సుప్రీంకోర్టు, ఢిల్లీ హైకోర్టు న్యాయవాది కుమార్ దీప్రాజ్ రిప్లై ఇచ్చారు.
ఈ సంఘటన మంగళవారం జరిగిందని , కోర్టు సెషన్ లో లేదని , న్యాయమూర్తి రాకకోసం ప్రజలు ఎదురు చూస్తున్నారని తెలుస్తోంది. గతంలో ఇలాంటిదే గుజరాత్ హైకోర్టు విచారణలో కూడా జరిగింది. ఓ వ్యక్తి బాత్రూం నుంచి గుజరాత్ హైకోర్టు వర్చువల్ మీటింగ్ లో పాల్గొన్నాడు. ఆ వ్యక్తికి గుజరాత్ హైకోర్టు రూ.1 లక్ష జరిమానా ,15 రోజుల సమాజ సేవ చేయాలని ఆదేశించింది.
