![ఏప్రిల్ 7న మోడల్ స్కూల్ అడ్మిషన్ టెస్టు](https://static.v6velugu.com/uploads/2024/04/admission-test-for-admissions-in-194-model-schools-in-the-state-on-7th-april_eU0qG7jpcw.jpg)
హైదరాబాద్, వెలుగు: రాష్ట్రంలో 194 మోడల్ స్కూళ్లలో ప్రవేశాల కోసం ఈ నెల 7న అడ్మిషన్ టెస్టు నిర్వహించనున్నట్టు మోడల్ స్కూల్స్ అడిషనల్ డైరెక్టర్ శ్రీనివాస్చారి తెలిపారు. ఆరో తరగతిలో అడ్మిషన్ కోసం ఆదివారం ఉదయం 10 గంటల నుంచి మధ్యాహ్నం 12 గంటల వరకు పరీక్ష ఉంటుందని చెప్పారు.
ఏడు ఆపై క్లాసుల్లో ఖాళీలకు మధ్యాహ్నం 2 గంటల నుంచి 4 గంటల వరకు ఎగ్జామ్ ఉంటుందని పేర్కొన్నారు. పరీక్షకు సంబంధించిన హాల్ టికెట్లను https://telanganams.cgg.gov.in ద్వారా సోమవారం నుంచి డౌన్లోడ్ చేసుకోవచ్చని వివరించారు. రాష్ట్రవ్యాప్తంగా మొత్తం 62,983 మంది స్టూడెంట్లు ఈ పరీక్షకు దరఖాస్తు చేసుకున్నారని, దీంట్లో ఆరో తరగతిలో సీట్ల కోసం 35 వేల మంది అప్లయ్ చేసుకున్నారని వెల్లడించారు.