ఢిల్లీలోని ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్(ఎయిమ్స్)కు కొత్త పేరు పెట్టే ప్రతిపాదనపై ఆందోళన వ్యక్తం చేస్తూ AIIMS ఫ్యాకల్టీ అసోసియేషన్, కేంద్ర ఆరోగ్య మంత్రి మన్సుఖ్ మాండవియాకు లేఖ రాసింది. ఇలా చేస్తే ఇన్‌స్టిట్యూట్ గుర్తింపును కోల్పోతుందని పేర్కొంది. దేశవ్యాప్తంగా ఉన్న 23 ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్ (AIIMS)కి కొత్త పేర్లను పెట్టాలన్న ప్రభుత్వ ప్రతిపాదనపై ఫ్యాకల్టీ అసోసియేషన్ ఆఫ్ AIIMS (FAIMS) ఇటీవల ఫ్యాకల్టీ సభ్యుల అభిప్రాయాన్ని కోరింది. ఢిల్లీలోని ఎయిమ్స్ పేరు మార్చడాన్ని అధ్యాపకులు వ్యతిరేకించారని ఎఫ్‌ఎఐఎంఎస్‌ మంత్రికి రాసిన లేఖలో పేర్కొంది. వైద్య విద్య, పరిశోధన, రోగుల సంరక్షణ కోసం ట్రినిటీ మిషన్‌తో 1956లో ఢిల్లీలోని ఎయిమ్స్‌ను ఏర్పాటు చేశారు. ఆ పేరుతోనే దానికి గుర్తింపు ముడిపడి ఉందన్న ఫ్యాకల్టీ... ఒకవేళ ఆ గుర్తింపే కోల్పోతే, దేశంలోపల, బయటా కూడా గుర్తింపు పోతుందని ఆరోపించారు.
అందుకే ప్రసిద్ధ ఇన్‌స్టిట్యూట్‌లకు శతాబ్దాలుగా ఒకే పేర్లు ఉన్నాయని చెప్పుకొచ్చింది. వాటికి ఉదాహరణగా ఆక్స్‌ఫర్డ్, కేంబ్రిడ్జ్, హార్వర్డ్ విశ్వవిద్యాలయాల పేర్లను లేఖలో పేర్కొన్నారు. ఈ ప్రతిపాదనను ఆమోదించినట్లయితే గౌరవనీయమైన వైద్య సంస్థ గుర్తింపును, నిరుత్సాహాన్ని కోల్పోవాల్సి వస్తుందని FAIMS పేర్కొంది."కాబట్టి, దయచేసి AIIMS ఢిల్లీ పేరును మార్చడానికి ఎటువంటి ప్రతిపాదనను పరిగణనలోకి తీసుకోవద్దని FAIMS అభ్యర్థించింది. ఇది ప్రీమియర్, మెంటార్ ఇన్‌స్టిట్యూట్ హోదాను కొనసాగించడంలో సహాయపడుతుందని లేఖలో పేర్కొన్నారు. ఢిల్లీలోని AIIMSలో స్వయంప్రతిపత్తి, క్యాంపస్‌లో వసతి, పరిపాలన సంస్కరణ (హెడ్‌షిప్ యొక్క రొటేషన్)కి సంబంధించి దీర్ఘకాలంగా పెండింగ్‌లో ఉన్న సమస్యలను చర్చించడానికి FAIMS అపాయింట్‌మెంట్ కూడా కోరింది.
