బాలీవుడ్ బ్యూటీ ఆలియా భట్ సీనియర్ హీరోలను సైతం వెనక్కినెడుతోంది. సంజయ్ లీలా భన్సాలీ దర్శకత్వంలో ఆలియా నటించిన ‘గంగూబాయి కతియావాడి’ బ్లాక్ బస్టర్ అందుకున్న విషయం తెలిసిందే. ఈ సినిమాలో తన నటనకు విమర్శకుల ప్రశంసలందుకుంది.
తాజాగా ఈ సినిమా 16 విభాగాల్లో 68వ ఫిలింఫేర్ అవార్డులకు నామినేట్ కావడం విశేషం. అదే సమయంలో భారీ వసూళ్లు సాధించిన అజయ్ ‘దృశ్యం–2’ సినిమా మూడు విభాగాల్లో మాత్రమే నామినేట్ అయ్యింది. ఏప్రిల్ 27న ముంబయిలోని జియో వరల్డ్ కన్వెన్షన్ సెంటర్లో ఈ అవార్డుల వేడుకను నిర్వహించనున్నారు.