యాదాద్రి,వెలుగు:యాదగిరిగుట్ట పట్టణంతోపాటు కొండపై ఆదివారం తీవ్ర రద్దీ నెలకొంది. లక్ష్మీ పుష్కరిణిలో పుణ్యస్నానాలు ఆచరించిన భక్తులు కొండపైకి చేరుకొని స్వామివారిని దర్శించుకోవడానికి క్యూ లైన్లలో బారులు తీరారు. పెద్దఎత్తున వెహికల్స్కొండపైకి చేరుకోవడంతో రాకపోకలకు ఇబ్బంది ఏర్పడింది. లక్ష్మీ నర్సింహస్వామిని హైకోర్టు జడ్జి జస్టిస్ వెంకటేశ్వర రెడ్డి దంపతులు దర్శించుకొని ప్రత్యేక పూజలు నిర్వహించారు.
స్వామివారి పల్లకీ సేవలో పాల్గొన్నారు. భక్తుల రద్దీ కారణంగా ఆదివారం స్వామివారికి రూ. 47,71,692 ఆదాయం సమకూరింది. ఇందులో ప్రసాద విక్రయం ద్వారా రూ. 23.60 లక్షలు, వెహికల్స్ పార్కింగ్ద్వారా రూ. 5 లక్షల ఆదాయం సమకూరింది.
