శివకార్తికేయన్ హీరోగా తెరకెక్కుతున్న చిత్రం ‘అమరన్’. సాయిపల్లవి హీరోయిన్. సోనీ పిక్చర్స్తో కలిసి కమల్ హాసన్, ఆర్.మహేంద్రన్ నిర్మిస్తున్నారు. రాజ్కుమార్ పెరియసామి దర్శకుడు. దీపావళి కానుకగా అక్టోబర్ 31న సినిమా విడుదల కానుంది. హీరో నితిన్ తండ్రి సుధాకర్ రెడ్డి, అక్క నిఖితారెడ్డి ఈ సినిమా ఏపీ, తెలంగాణ థియేట్రికల్ హక్కులను సొంతం చేసుకున్నారు. తెలుగు రాష్ట్రాల్లో శ్రేష్ట్ మూవీస్ బ్యానర్ ద్వారా ఈ చిత్రాన్ని విడుదల చేయనున్నారు.
కమల్ హాసన్ నటించిన సెన్సేషనల్ హిట్ ‘విక్రమ్’ తర్వాత ఆయన ప్రొడక్షన్ హౌస్తో శ్రేష్ట్ మూవీస్కి ఇది రెండవ చిత్రం కావడం విశేషం. కాశ్మీర్ నేపథ్యంలో రూపొందుతున్న ఈ యాక్షన్ ఎమోషనల్ డ్రామాలో.. మునుపెన్నడూ చూడని కొత్త లుక్లో, ఇంటెన్స్క్యారెక్టర్లో శివకార్తికేయన్ కనిపించబోతున్నాడు. ‘ఇండియాస్ మోస్ట్ ఫియర్లెస్’ అనే పుస్తకంలోని ‘మేజర్ వరదరాజన్’ చాప్టర్ ఆధారంగా ఈ చిత్రాన్ని తెరకెక్కిస్తున్నారు. జీవీ ప్రకాష్ కుమార్ సంగీతం అందిస్తున్నాడు.
