హైదరాబాద్, వెలుగు : ప్రస్తుతం కొనసాగుతున్న సేల్ద్వారా తమ సెల్లర్లు మరింత లాభపడటానికి వివిధ కార్యక్రమాలు చేపట్టినట్టు ఈ–కామర్స్కంపెనీ అమెజాన్ ప్రకటించింది. అమ్మకందారులు తమ ఆదాయాలను పెంచుకోవడానికి, మెరుగైన ధరలను అందించడంలో సహాయపడటానికి ఫీజులను తగ్గించినట్టు తెలిపింది. కిరాణా, ఫ్యాషన్, ఎలక్ట్రానిక్స్ వంటి విభాగాలలో 3శాతం నుంచి 12శాతం వరకు సెల్లింగ్ఫీజును తగ్గించినట్టు సంస్థ సీనియర్ ఎగ్జిక్యూటివ్ఒకరు చెప్పారు.
తెలంగాణ నుంచి 55వేల కంటే ఎక్కువ మంది తమ ఉత్పత్తులను అమెజాన్లో అమ్ముతున్నట్టు తెలిపింది. మహిళా సెల్లర్లను ప్రోత్సహించడానికి సహేలీ కార్యక్రమాన్ని చేపట్టామని అమెజాన్ ఇండియా సేల్స్ డైరెక్టర్ గౌరవ్ భట్నాగర్ చెప్పారు. తెలంగాణలో స్మాల్మీడియా బిజినెస్లను (ఎస్ఎంబీ)లను బలోపేతం చేస్తామన్నారు.
ఆర్టిఫిషియల్ ఇంటెలిజెన్స్ (ఏఐఐ), మెషిన్ లెర్నింగ్ (ఎంఎల్) ద్వారా సెల్లర్లు అమ్మకాలను పెంచుకునేలా సాయపడుతున్నామని వివరించారు. లిస్టింగ్ అడ్వర్టైజింగ్, ఫోర్‌‌‌‌‌‌‌‌‌‌‌‌‌‌‌‌కాస్ట్ డిమాండ్, కేటలాగ్ క్వాలిటీ, ప్రోడక్ట్ లిస్టింగ్‌‌‌‌‌‌‌‌‌‌‌‌‌‌‌‌లను బాగా నిర్వహించేలా సలహాలు ఇస్తున్నామన్నారు.
