నేటి నుంచి ఆగస్టు 12 వరకు డిగ్రీ, పీజీ కోర్సులకు దరఖాస్తులు
హైదరాబాద్, వెలుగు: రాష్ట్రంలోని డాక్టర్ బీఆర్ అంబేద్కర్ ఓపెన్ యూనివర్సిటీ డిగ్రీ, పీజీ, డిప్లొమాతో పాటు పలు సర్టిఫికేట్ కోర్సుల్లో ప్రవేశాలకు అడ్మిషన్ నోటిఫికేషన్ మంగళవారం రిలీజైంది. ఈనెల 23 నుంచి ఆగస్టు 12 వరకు దరఖాస్తు చేసుకోవాలని ఆఫీసర్లు సూచించారు. ఆయా కోర్సుల్లో చేరేందుకు క్వాలిఫికేషన్స్, ఫీజు ఇతర వివరాలకు www.braouonline.in, www.braou.ac.in వెబ్ సైట్లను చూడాలని కోరారు. 2020-–21లో ఫస్టియర్ అడ్మిషన్ పొందిన స్టూడెంట్లు, సెకండియర్ ట్యూషన్ ఫీజును ఆగస్టు12లోగా చెల్లించాలని తెలిపారు. 2012-–13 ఇయర్ నుంచి 2020-–21 వరకు అడ్మిషన్ పొంది ఉంటే ట్యూషన్ ఫీజు చెల్లించవచ్చని స్పష్టం చేశారు. మరిన్ని వివరాలకు వర్సిటీ హెల్ప్లైన్ నెంబర్లు 7382929570/580, లేదా 040-23680290/291/294/295కు కాల్ చేయాలని సూచించారు.
