సూర్యాపేట, వెలుగు : అంగన్వాడీ కేంద్రాల్లో ఆటపాటలతో కూడిన విద్యతో చిన్నారుల్లో శారీరక, మానసిక అభివృద్ధి పెరుగుతుందని డీడబ్ల్యూవో నర్సింహరావు అన్నారు. ‘అమ్మ మాట.. -అంగన్ వాడీ బాట’ కార్యక్రమంలో భాగంగా బుధవారం మున్సిపల్ పరిధిలోని పిల్లలమర్రిలో ఇంటింటి ప్రచారం నిర్వహించారు. ఈ సందర్భంగా ఆయన మాట్లాడుతూ అంగన్వాడీ కేంద్రాల్లో ప్రీప్రైమరీ ఎడ్యుకేషన్ అందించాలన్నారు.
అంగన్వాడీ కేంద్రాల్లో విద్యార్థులకు యూనిఫామ్స్, స్కూల్ బుక్స్ ఉచితంగా ఇవ్వనున్నట్లు తెలిపారు. అంతకుముందుగా విద్యార్థులతో నిర్వహించిన ర్యాలీని జెండా ఊపి ప్రారంభించారు. కార్యక్రమంలో సీడీపీవో సుబ్బలక్ష్మి, సూపర్వైజర్ వీరమ్మ, ఏఎన్ఎమ్ పద్మజ, అంగన్ వాడీ టీచర్లు, విద్యార్థుల తల్లిదండ్రులు పాల్గొన్నారు.
