మంచిర్యాల, వెలుగు : తెలంగాణలో ప్రకృతిని ఆరాధించే గొప్ప పండుగ బతుకమ్మ అని అంజనీపుత్ర ఎస్టేట్స్ చైర్మన్ గుర్రాల శ్రీధర్, ఎండీ పిల్లి రవి అన్నారు. శుక్రవారం జిల్లా కేంద్రంలోని అంజనీపుత్ర ఆఫీసులో ‘రాయే రాయే పూల వర్షమా’ బతుకమ్మ పాటను రిలీజ్ చేశారు. ఈ సందర్భంగా వారు మాట్లాడుతూ బతుకమ్మ రూపంలో ప్రకృతిని పూజించే సంస్కృతి ప్రపంచంలో మరెక్కడా లేదన్నారు.
మహిళల కోసం రూపొందించిన ఈ పాటను ప్రతిఒక్కరూ ఆదరించాలని కోరారు. కార్యక్రమంలో సింగర్ నిరోషా యాదవ్, మ్యూజిక్ డైరెక్టర్ మామిండ్ల లక్ష్మణ్, మిట్టపెల్లి వెంకటేశ్, హరీశ్ పటేల్ పాల్గొన్నారు.
టీషర్ట్స్, క్యాప్స్ అందజేత...
చెన్నూర్ టీఎస్ డబ్ల్యూ ఆర్జేసీ గర్ల్స్ హాస్టల్ లో నిర్వహించిన 9వ జోనల్ గేమ్స్, స్పోర్ట్స్ మీట్ శుక్రవారం అట్టహాసంగా ప్రారంభమైంది. ముఖ్య అతిథులుగా శ్రీధర్, రవి హాజరయ్యారు. అంజనీపుత్ర ఎస్టేట్స్ తరపున వంద మంది క్రీడాకారులకు టీషర్టులు, క్యాపులు అందజేశారు.
