సౌత్ స్టార్ హీరో చియాన్ విక్రమ్ పై బాలీవుడ్ దర్శకుడు అనురాగ్ కశ్యప్ ఆసక్తికర కామెంట్స్ చేసాడు. విక్రమ్తో తానూ తీయాలనుకున్న సినిమా కెన్నెడీ ని రాహుల్ భట్ తో తీసానని చెప్పి అందరికీ షాకిచ్చాడు. ఈ సినిమాలో రాహుల్ భట్, సన్నీ లియోన్, అభిలాష్ తప్లియాల్ ప్రధాన పాత్రల్లో నటించారు. తాజాగా ఈ సినిమా ప్రతిష్టాత్మక కేన్స్ ఫిల్మ్ ఫెస్టివల్ కు ఎంపిక అయ్యింది. మిడ్‌నైట్ స్క్రీనింగ్ కోసం ఈ చిత్రాన్ని ఎంపిక చేశారు నిర్వాహకులు.
ప్రస్తుతం ఫ్రాన్స్ లో ఉన్న ఈ చిత్ర దర్శకుడు అనురాగ్ కశ్యప్.. కెన్నెడీ సినిమా గురించి ఆసక్తికర వ్యాఖ్యలు చేసాడు. "వాస్తవానికి ఈ సినిమాను రాహుల్ భట్ తో చేయాలనుకోలేదని, వేరే హీరోను ఊహించుకుని ఈ సినిమా కథను రాసినట్లు తెలిపాడు. అందుకే ఈ చిత్రానికి ‘కెన్నెడీ’ అనే పేరు పెట్టానని చెప్పుకొచ్చాడు. అనురాగ్ కశ్యప్ ఊహించుకున్న ఆ హీరో మరెవరో కాదు తమిళ స్టార్ హీరో విక్రమ్. నిజానికి విక్రమ్ అసలు పేరు కెన్నెడీ. ఆయనను హీరోగా భావించి ఈ సినిమా కథను రాశారు కాబట్టి ఈ చిత్రానికి ‘కెన్నెడీ’ అని పేరు పెట్టారు. కథ పూర్తయ్యాక ముందు విక్రమ్ నే సంప్రదించినట్లు అనురాగ్ తెలిపారు.
అయితే, తాను ఎన్నిసార్లు సంప్రదించినా, విక్రమ్ స్పందించకపోవడంతో రాహుల్ భట్ ను హీరోగా తీసుకున్నట్లు చెప్పాడ. ఇక ఈ సినిమా కోసం రాహుల్ ఏకంగా 8 నెలల సమయం కేటాయించినట్లు అనురాగ్ చెప్పుకొచ్చాడు. ఇక ప్రస్తుతం అనురాగ్ కశ్యప్ చేసిన ఈ కామెంట్స్ బాలీవుడ్ వర్గాల్లో హాట్ టాపిక్ గా మారాయి.
