జగిత్యాల టౌన్, వెలుగు: ఉద్యోగాలు ఇప్పిస్తానని డబ్బులు దండుకుంటున్న ఓ వ్యక్తిని జగిత్యాల రూరల్ పోలీసులు అరెస్ట్ చేశారు. జగిత్యాల డీఎస్పీ రఘు చందర్ శనివారం కేసు వివరాలు వెల్లడించారు. ఆంధ్రప్రదేశ్‌కు చెందిన డానియల్ కెవిన్ ఎడ్విన్ ఆన్లైన్లో ఉద్యగ ప్రకటనలు వేసి పలువురిని బురిడీ కొట్టించాడు. విదేశాల్లో ఉద్యోగాలు ఇప్పిస్తానంటూ ఏపీ, కేరళ, కర్నాటక, జమ్మూ కశ్మీర్కు చెందిన ఐదుగురి వద్ద డబ్బులు వసూలు చేశాడు.
ఇదే తరహాలో జగిత్యాల జిల్లా సారంగాపూర్ మండలం పెంబట్లకు చెందిన నవీన్ ను నమ్మించి రూ.8.40 లక్షలు వసూలు చేశాడు. కేసు నమోదు చేసుకున్న జగిత్యాల పోలీసులు నిందితుడిని అరెస్ట్ చేశారు. క్రెడిట్, డెబిట్ కార్డులు, సెల్‌ఫోన్లు స్వాధీనం చేసుకున్నారు.
