ఆర్మూర్, వెలుగు : ఆర్మూర్ టౌన్ లోని ప్రభుత్వ బాలికల జూనియర్ కళాశాలను నామినేషన్ స్వీకరణ కేంద్రంగా ఎంపిక చేశారు. మంగళవారం సబ్ కలెక్టర్ అభిజ్ఞాన్ మాల్వియా సెంటర్ను పరిశీలించారు. నామినేషన్ స్వీకరణ కేంద్రంలో 36 కౌన్సిల్ స్థానాలకు12 సెంటర్స్ ఏర్పాటు చేశామని, ఒక్కో విభాగంలో మూడు కౌన్సిల్ స్థానాలకు చెందిన నామినేషన్లను స్వీకరించేందుకు ఏర్పాట్లు చేశామని తెలిపారు.
ఒక్కో సెంటర్ లో ఒక రిటర్నింగ్ ఆఫీసర్, ఒక అసిస్టెంట్ రిటర్నింగ్ ఆఫీసర్ డ్యూటీ నిర్వహిస్తారని పేర్కొన్నారు. మున్సిపల్ కమిషనర్ ఉమా మహేశ్వర్ రావు, మున్సిపల్ మేనేజర్ శ్రీనివాస్, మున్సిపల్ సిబ్బంది పాల్గొన్నారు.
