వనపర్తి, వెలుగు: ఈ నెల 24న నిర్వహించే పాలిసెట్–-2024కు అన్ని ఏర్పాట్లు పూర్తి చేసినట్లు పరీక్షల జిల్లా కో-ఆర్డినేటర్ చంద్రశేఖర్ తెలిపారు. బుధవారం పాలిటెక్నిక్ కాలేజీలో చీఫ్ సూపరింటెండెంట్లతో సమావేశం నిర్వహించారు. జిల్లాలో 10 పరీక్షా కేంద్రాలుండగా వనపర్తి పట్టణంలో 4, పెబ్బేరు, కొత్తకోట పట్టణాల్లో రెండేసి కేంద్రాలు, పానగల్ లో ఒక సెంటర్ ఏర్పాటు చేసినట్లు చెప్పారు. 2,394 మంది ఎగ్జామ్కు హాజరు కానున్నట్లు తెలిపారు. ఉదయం 11 గంటల నుంచి మధ్యాహ్నం 1:30 వరకు ఎగ్జామ్ ఉంటుందని, గంట ముందు నుంచే విద్యార్థులను పరీక్షా కేంద్రాల్లోకి అనుమతిస్తామని, ఒక్క నిమిషం ఆలస్యం అయినా పరీక్షా కేంద్రంలోకి అనుమతించబోమని తెలిపారు.
