27న ‘ఓరి దేవుడా’ నుంచి సెకండ్‌ సాంగ్

27న ‘ఓరి దేవుడా’ నుంచి సెకండ్‌ సాంగ్

టాలీవుడ్ యంగ్ హీరో విశ్వక్ సేన్ ప్రస్తుతం ‘ఓరి దేవుడా’ చిత్రంలో నటిస్తున్నాడు. త‌మిళంలో విజయం సాధించిన ‘ఓమై క‌డువ‌లే’ చిత్రానికి ఇది రీమేక్‌. అశ్వత్ మ‌రిముత్తు ఈ చిత్రానికి దర్శకత్వం వహించాడు. విశ్వక్‌కు జోడీగా మిథిలా పాల్కర్ హీరోయిన్‌గా న‌టిస్తోంది. ఈ చిత్రంలో విక్టరీ వెంకటేష్ దేవుడి పాత్రలో నటిస్తున్నాడు. ఇటీవలే వెంకీకి సంబంధించిన ఫస్ట్ లుక్ గ్లింప్స్‌ను విడుదల చేశారు. తాజాగా ఈ మూవీ నుండి మరో ఇంట్రెస్టింగ్ అప్‌డేట్‌ ఇచ్చారు మేకర్స్‌.

‘ఓరి దేవుడా’ నుంచి సెకండ్‌ సింగిల్‌ ‘అవుననవా’ అంటూ సాగే మెలోడీ సాంగ్‌ గ్లింప్స్‌ను వదిలారు. పూర్తి పాటను సెప్టెంబర్ 27న (మంగళవారం) విడుదల చేయనున్నట్లు మేకర్స్ ప్రకటించారు. ఇక ఈ మూవీ నుంచి ఇప్పటికే విడుదలైన ‘పాఠశాలలో’ పాటకు ప్రేక్షకుల నుండి మంచి స్పందన వచ్చింది. లియన్‌ జేమ్స్‌ సంగీతం అందిస్తున్న ఈ చిత్రాన్ని పీవిపీ సినిమాస్‌, శ్రీ వెంక‌టేశ్వర క్రియేష‌న్స్ సంయుక్తంగా నిర్మిస్తున్నాయి.