- ముగిసిన రూ.21వేల390 కోట్ల డీల్..
- బజాజ్ అలియాంజ్ ఇన్సూరెన్స్ కంపెనీల్లో 97 శాతానికి చేరిన బజాజ్ గ్రూప్ వాటా
న్యూఢిల్లీ:గత 24 ఏళ్లుగా సక్సెస్ఫుల్గా నడిచిన బజాజ్–అలియాంజ్ జాయింట్ వెంచర్కు ముగింపు వచ్చింది. బజాజ్ అలియాంజ్ జనరల్ ఇన్సూరెన్స్, లైఫ్ ఇన్సూరెన్స్ కంపెనీలలో 23 శాతం చొప్పున వాటాను అలియాంజ్ ఎస్ఈ నుంచి రూ.21,390 కోట్లకు బజాజ్ గ్రూప్ దక్కించుకుంది. దీంతో ఈ ఇన్సూరెన్స్ కంపెనీల్లో బజాజ్ వాటా 97శాతానికి చేరింది.
బజాజ్ ఫిన్సర్వ్, బజాజ్ హోల్డింగ్స్ అండ్ ఇన్వెస్ట్మెంట్, జమ్నాలాల్ సన్స్ కలిసి ఈ డీల్ను పూర్తి చేశాయి. బజాజ్ అలియాంజ్ జనరల్ ఇన్సూరెన్స్లో 23 శాతం వాటాను రూ.12,190 కోట్లకు, బజాజ్ అలియాంజ్ లైఫ్ ఇన్సూరెన్స్లో 23 శాతం వాటాను రూ.9,200 కోట్లకు బజాజ్ గ్రూప్ కొనుగోలు చేసింది.
దీంతో ఈ కంపెనీల్లో ఈ గ్రూప్ వాటా 74 శాతం నుంచి 97 శాతానికి పెరిగింది. అలియాంజ్ దగ్గర ఉన్న మిగిలిన మూడు శాతం వాటాను షేర్ బైబ్యాక్ ద్వారా ఈ ఇన్సూరెన్స్ కంపెనీలు కొనుగోలు చేస్తాయి.
