ఇటిక్యాల, వెలుగు : ఉద్యోగులు తమ బాధ్యతను సమర్థవంతంగా నిర్వహించాలని బెటాలియన్ కమాండెంట్ జయరాజ్ సూచించారు. పదో బెటాలియన్ 2013 బ్యాచ్కు చెందిన 9 మంది తెలంగాణ స్పెషల్ పోలీస్ (టీజీఎస్పీ) కానిస్టేబుల్స్ పది సంవత్సరాల సర్వీస్ పూర్తి చేసుకుని కన్వర్షన్ ప్రక్రియలో భాగంగా జిల్లా ఆర్డ్మ్ రిజర్వ్ పోలీస్ ఫోర్స్ (ఏఆర్)కు వెళ్తున్నారు.
ఈ సందర్భంగా శుక్రవారం వారిని సన్మానించి వీడ్కోలు పలికారు. అనంతరం కమాండెంట్ మాట్లాడుతూ తెలంగాణ స్పెషల్ పోలీస్ విభాగంలో విధులు నిర్వహించిన సమయంలో కానిస్టేబుల్స్ చూపిన క్రమశిక్షణ, అంకితభావం అభినందనీయమన్నారు. కార్యక్రమంలో బెటాలియన్ అసిస్టెంట్ కమాండెంట్ పాణి, రిజర్వ్ ఇన్స్పెక్టర్లు ధర్మారావు, నరసింహారాజు, శ్రీనివాసులు, ఆర్పీ సింగ్, రాజేశం, అధికారులు, సిబ్బంది పాల్గొన్నారు.
