సీట్ల కోటా విషయంలోనూ తగ్గేదే లే అంటున్నారు కాంగ్రెస్లోని బీసీ లీడర్లు. తాడోపేడో తేల్చుకునేందుకూ సై అంటున్నారు. హైకమాండ్కు లాయల్గా ఉంటూనే ఫైట్చేస్తామంటున్నారు. పార్టీకి విధేయులుగా ఉంటూనే బీసీ లీడర్లంటే ఏందో చూపించేందుకు సిద్ధమవుతున్నారట. ఇచ్చిన మాట ప్రకారం ఒక్కో లోక్సభ పరిధిలో రెండు సీట్లను ఇవ్వాల్సిందేనంటున్నారు. అంతేకాదు.. తెలంగాణ ఇచ్చింది సోనియా గాంధీనే కాబట్టి, కాంగ్రెస్ను గెలిపించాలంటూ ప్రజలను పార్టీ నేతలు రిక్వెస్ట్ చేస్తున్నప్పుడు.. తమ కోటా కోసం కొట్లాడితే తప్పేందని అంటున్నారు.
బీసీల ఓట్లు లేనిదే ఏ పార్టీ గెలిచే పరిస్థితి లేదని తేల్చి చెప్తున్నారు. బీసీలు ఎక్కువున్నప్పుడు పతార ఎక్కువున్న బీసీ లీడర్లకు టికెట్లు ఇచ్చి గెలిపించుకోవాల్సిన అవసరం ఉందని అంటున్నారు. నల్గొండ నుంచి టికెట్ఆశిస్తున్న చెరుకు సుధాకర్ ఈ సారి టికెట్ కోసం గట్టి ప్రయత్నాలే చేస్తున్నారు. కాంగ్రెస్సహా ఏ పార్టీలోనూ బీసీలకు న్యాయం జరగడం లేదని ఆయన బాహాటంగానే విమర్శలు గుప్పిస్తున్నారు. తన పార్టీని విలీనం మాత్రమే చేశానని, పార్టీ సిద్ధాంతాలు ఇంకా సజీవంగానే ఉన్నాయని ఆయన చెప్తున్నారు. కొన్ని స్థానాలు, కొన్ని విషయాలకు సంబంధించి పార్టీలో లీకులు ఎక్కువైపోతున్నాయని, ఆ లీకువీరులెవరో అందరికీ తెలుసని అంటున్నారు. ‑ వెలుగు, హైదరాబాద్
