జగిత్యాల జిల్లాలో క్షుద్ర పూజలు కలకలం సృష్టిస్తున్నాయి. వెల్గటూరు మండలం కోటి లింగాల ఆర్అండ్ఆర్కాలనీ సమీపంలోని చౌరస్తాలో గుర్తు తెలియని వ్యక్తులు క్షుద్ర పూజలు చేస్తున్నారని గ్రామస్థులు ఆరోపిస్తున్నారు. పసుపు, కుంకుమ, అన్నం ముద్దలు, నిమ్మకాయలు, పూలు కలిపి ఓ చోట ఉంచి నిత్యం ఈ తతంగం జరుపుతున్నట్లు ఆరోపిస్తున్నారు. అయితే సాధారణంగా క్షుద్ర పూజలకు పల్లెటూళ్లలో కల్లు వాడుతుంటారు.
ALSO READ :కుటుంబ కలహాలతో కూతురికి విషం తాగించి, తండ్రి ఆత్మహత్య
కానీ ఇక్కడ విచిత్రంగా 3 బీరు టిన్నులు ఉంచారు. వారం రోజులుగా ఇదే తరహా క్షుద్ర పూజలు చేస్తూ భయపెడుతున్నారని గ్రామస్థులు వాపోతున్నారు. స్థానికుల్లో ఒకరు ఈ పని చేసి ఉండొచ్చని అనుమానిస్తుండగా.. పోకిరీల పనిగా మరి కొందరు భావిస్తున్నారు. ప్రజలు ఇలాంటి మూఢ నమ్మకాలను విశ్వసించొద్దని నిపుణులు సూచిస్తున్నారు.
