బోధన్, వెలుగు: జనగామ జిల్లా కేంద్రంలో ఈ నెల 17నుంచి 20వరకు నిర్వహించిన సాంఘిక సంక్షేమ గురుకుల పాఠశాల 11వ రాష్ట్రస్థాయి చెస్ పోటీల్లో బోధన్ పట్టణశివారులోని బెల్లాల్ సాంఘిక సంక్షేమ గురుకుల పాఠశాలకు చెందిన విద్యార్థులు ప్రథమ స్థానంలో నిలిచినట్లు పాఠశాల ప్రిన్సిపాల్ రాజేంద్రప్రసాద్, వ్యాయామ ఉపాధ్యాయుడు మోతీలాల్ తెలిపారు. జనగామలో నిర్వహించిన ఈపోటీల్లో చెస్ అండర్--14 విభాగంలో ఎం.శివకుమార్, అండర్--17 విభాగంలో జంగం.
రవివర్మ ఉత్తమ ప్రతిభ కనబరిచారని తెలిపారు. ఈమేరకు సోమవారం పాఠశాలలో ఏర్పాటు చేసిన కార్యక్రమంలో విజేతలను సన్మానించి, అభినందించారు. కార్యక్రమంలో పీఈటీ జ్ఞానేశ్వర్, ఉపాధ్యాయులు రమేశ్, చారి తదితరులు పాల్గొన్నారు.
