కోల్బెల్ట్, వెలుగు : తమ సమస్యలను చెప్పుకునేందుకు వెళ్లిన అంగన్వాడీలను బెల్లంపల్లి ఎమ్మెల్యే దుర్గం చిన్నయ్య అసభ్య పదజాలంతో దూషించడమే కాకుండా వారిపై దాడి చేయించే ప్రయత్నం చేశాడని సింగరేణి కాంట్రాక్ట్ కార్మిక సంఘం(సీఐటీయూ) స్టేట్ప్రెసిడెంట్ దూలం శ్రీనివాస్మండిపడ్డారు. మంగళవారం మందమర్రిలో ఏర్పాటు చేసిన కార్యక్రమంలో అంగన్వాడీ ఉద్యోగుల నిరవధిక సమ్మె ప్రచార పోస్టర్లను ఆయన ఆవిష్కరించారు.
Also Read : రసాభాసగా PACS సమావేశం.. నేతలు, రైతుల మధ్య వాగ్వాదం
ఈ సందర్భంగా మాట్లాడుతూ ఎమ్మెల్యే క్షమాపణలు చెప్పకుంటే అన్ని రంగాల కార్మికులను ఏకం చేసి ఈనెల 23న ఎమ్మెల్యే క్యాంప్ఆఫీస్ముట్టడిస్తామని హెచ్చరించారు. కార్యక్రమంలో లీడర్లు అత్తె కళావతి, రాజేశ్వరి, కవిత, అనసూయ తదితరులు పాల్గొన్నారు.
సమ్మెలో పాల్గొనేందుకు వెళ్తూ తీవ్ర గాయాలు
బెల్లంపల్లి రూరల్:నెన్నెల మండలంలోని ఖర్జీ గ్రామానికి చెందిన అంగన్వాడీ టీచర్ కోట శకుంతలకు సోమవారం జరిగిన రోడ్డు ప్రమాదంలో తీవ్ర గాయాలయ్యాయి. మండల కేంద్రంలో అంగన్వాడీ కార్యకర్తలు చేస్తున్న నిరవధిక సమ్మెలో పాల్గొనడానికి ఖర్జీ నుంచి నెన్నెలకు ఆటోలో వస్తుండగా మన్నెగూడం సమీపంలో కుక్క అడ్డు రావడంతో ఆటో డ్రైవర్సడన్బ్రేక్ వేశాడు. దీంతో ముందు సీటులో కూర్చున్న శకుంతల జారి కిందపడిపోయింది. దీంతో ముఖానికి బలమైన గాయాలయ్యాయి. వెంటనే ఆమెను నెన్నెల పీహెచ్సీకి తరలించి ప్రథమ చికిత్స అందించారు. అక్కడి నుంచి మెరుగైన వైద్యం కోసం మంచిర్యాలలోని ఓ ప్రైవేట్ ఆస్పత్రికి తరలించినట్లు కుటుంబీకులు తెలిపారు.
