కొరియోగ్రాఫర్‌‌‌‌‌‌‌‌గా, దర్శకుడిగా, నటుడిగా తనకంటూ స్పెషల్ ఇమేజ్ తెచ్చుకున్నాడు రాఘవ లారెన్స్. ప్రస్తుతం హీరోగా వరుస సినిమాలు చేస్తూ బిజీగా ఉన్నాడు. ఆదివారం తన కొత్త చిత్రాలకు సంబంధించి క్రేజీ అనౌన్స్‌‌‌‌మెంట్స్ వచ్చాయి. వాటిలో ఒకటి లోకేష్ కనగరాజ్ కాంబినేషన్‌‌‌‌లో తెరకెక్కుతోన్న చిత్రం ‘బెంజ్’. ఈ చిత్రానికి లోకేష్ కథను అందిస్తూ సుదన్ సుందరం, జగదీష్ పళనిసామితో కలిసి నిర్మిస్తున్నాడు.
భాగ్యరాజ్ కన్నన్ దర్శకత్వం వహిస్తున్నాడు. మరోవైపు నిన్ననే ఇంకో సినిమాను అనౌన్స్ చేశారు. వెంకట్ మోహన్ డైరెక్షన్‌‌‌‌లో ‘హంటర్’ చిత్రాన్ని ప్రకటించారు. ఈ సందర్భంగా లారెన్స్ పులిపై గన్ పట్టుకుని నీడలాగా కనిపిస్తున్న పోస్టర్‌ ఆకట్టుకుంది. అలాగే ‘ఆత్మ కోసం యుద్ధం’ అంటూ రాసుండటం సినిమాపై ఆసక్తిని పెంచుతోంది. మనీష్ షా, సెంథిల్ త్యాగరాజన్, అర్జున్ త్యాగరాజన్ నిర్మిస్తున్న ఈ చిత్రానికి దేవిశ్రీ ప్రసాద్ సంగీతం అందిస్తున్నాడు. వచ్చే సమ్మర్‌‌‌‌‌‌‌‌కి సినిమా రిలీజ్ చేయనున్నట్టు ప్రకటించారు.
