భద్రాద్రికొత్తగూడెం/ చండ్రుగొండ, వెలుగు: చిన్నారుల ఆరోగ్యమే లక్ష్యంగా ప్రభుత్వం బాల భరోసా ప్రోగ్రాంను నిర్వహిస్తోందని భద్రాద్రికొత్తగూడెం కలెక్టర్ అంకిత్ పేర్కొన్నారు. శుక్రవారం కొత్తగూడెం నగరంలోని మాత, శిశు సంరక్షణ కేంద్రంలో నిర్వహించిన ప్రోగ్రాంలో నెలలోపు జన్మించిన ఆడపిల్లలకు బీటీ జన్మోత్సవ్ కిట్లలను కలెక్టర్ పంపిణీ చేశారు. హాస్పటల్లో చిన్నారులకు అందుతున్న వైద్య సేవలను అడిగి తెలుసుకున్నారు. 99 రోజుల ప్రణాళికలో బాల భరోసా ప్రోగ్రాంను ప్రభుత్వం చేపట్టిందన్నారు. అనంతరం చండ్రుగొండ మండలం దామచర్లలో ధాన్యం కొనుగోలు కేంద్రం, ఇందిరమ్మ ఇండ్ల నిర్మాణాలను కలెక్టర్ పరిశీలించి, పలు సూచనలు చేశారు.
