- భద్రాద్రికొత్తగూడెం కలెక్టర్ ప్రియాంక అల
- జిల్లా జనరల్ హాస్పిటల్ తనిఖీ.. డాక్టర్లతో రివ్యూ
భద్రాద్రికొత్తగూడెం, వెలుగు : విధుల పట్ల నిర్లక్ష్యంగా ఉన్న డాక్టర్లు, వైద్య సిబ్బందిపై భద్రాద్రికొత్తగూడెం కలెక్టర్ డాక్టర్ ప్రియాంక అల ఆగ్రహం వ్యక్తం చేశారు. పర్మిషన్ లేకుండా డ్యూటీకి రాని డాక్టర్ల జీతాలు ఆపేయాలని ఇన్చార్జి మెడికల్ సూపరింటెండెంట్ లక్ష్మణ్రావును ఆదేశించారు. కొత్తగూడెంలోని గవర్నమెంట్ జనరల్ హాస్పిటల్ను కలెక్టర్ శుక్రవారం తనిఖీ చేశారు.
పలు వార్డులను పరిశీలించారు. వైద్య సేవలు, సౌకర్యాల గురించి పేషెంట్లను అడిగి తెలుసుకున్నారు. డాక్టర్లు, ఆసుపత్రి సిబ్బందితో రివ్యూ మీటింగ్ నిర్వహించారు. ఈ సందర్భంగా ఆమె మాట్లాడుతూ బయోమెట్రిక్ అటెండెన్స్ నూరు శాతం ఉండే విధంగా చర్యలు తీసుకోవాలన్నారు. ఎమర్జెన్సీ వార్డుల్లో డాక్టర్లు తప్పనిసరిగా అందుబాటులో ఉండాలని సూచించారు. వైద్య సేవల్లో నిర్లక్ష్యంగా ఉంటే చర్యలు తీసుకుంటానని హెచ్చరించారు.
హాస్పిటల్లో జరుగుతున్న డెవలప్మెంట్ వర్క్స్పై ఆరా తీశారు. ఓపీ వద్ద పురుషులు, స్త్రీలకు కామన్ టాయ్లెట్ ఉండడంతో ఇబ్బంది కలుగుతోందని పలువురు కలెక్టర్ దృష్టికి తీసుకువచ్చారు. తాగునీటి సమస్య, హాస్పిటల్ పరిసరాల్లోని డ్రైనేజీ సమస్యను వివరించారు. ఆమె వెంట డీఎంహెచ్ఓ శిరీష, ఆర్ఎంఓ పుష్పలత, ఆర్ఎంఓ ఎంసీహెచ్ వీరబాబు, అసిస్టెంట్ ప్రొఫెసర్ డాక్టర్ సురేందర్ పాల్గొన్నారు.
