న్యూఢిల్లీ : టెలికం ఆపరేటర్ భారతీ ఎయిర్టెల్ జూన్ 30, 2024తో ముగిసిన మొదటి క్వార్టర్లో కన్సాలిడేటెడ్ లాభం 2.5 రెట్లు పెరిగి రూ. 4,160 కోట్లకు చేరుకుంది. క్రితం ఏడాది ఇదే కాలంలో కంపెనీ రూ.1,612.5 కోట్ల లాభాన్ని నమోదు చేసింది. కార్యకలాపాల ద్వారా ఆదాయం గత ఏడాది జూన్ క్వార్టర్లో రూ. 37,440 కోట్లు కాగా, ఈ క్వార్టర్లో 2.8 శాతం పెరిగి రూ.38,506.4 కోట్లకు చేరుకుంది.
భారతీ ఎయిర్టెల్ భారతదేశ ఆదాయం వార్షిక ప్రాతిపదికన 10.1 శాతం పెరిగి రూ.29,046 కోట్లకు చేరుకుంది. టెలికాం ఆపరేటర్ల వృద్ధిని కొలిచే ‘ప్రతి వినియోగదారు నుంచి సగటు ఆదాయం’ (ఏఆర్పీయూ) వార్షికంగా రూ.200 నుంచి రూ.211లకు పెరిగింది.
