‘నా బర్త్డే లాక్డౌన్ టైమ్లో వచ్చింది. లేదంటే ఫ్రెండ్స్ అందర్నీ పిలిచి గ్రాండ్గా చేసుకునేవాడ్ని’, ‘ఈ కరోనా గోల లేకుంటే నా బర్త్డేని చాలా ఎంజాయ్ చేసేదాన్ని…’ అనుకుంటున్న పిల్లల బాధని పేరెంట్స్ దూరం చేయొచ్చు. అదెలాగంటారా? ‘డిజిటల్ బర్త్డే పార్టీ’ని ప్లాన్ చేసి పిల్లలను బర్త్డే రోజు థ్రిల్ చేయొచ్చు. ‘డిజిటల్ బర్త్డే’ ప్లానింగ్ ఎలా చేయాలంటే…
వెన్యూ – వీడియో కాలింగ్
వీడియోకాల్ టెక్నాలజీని బర్త్డే పార్టీకి కూడా అప్లై చేయొచ్చు. వారం ముందుగానే వీడియో కాల్ లింక్ని కావాల్సిన వాళ్లందరికీ షేర్ చేయాలి. వారం రోజుల టైమ్ వల్ల యాప్ డౌన్లోడ్ చేసుకోవడం, మొబైల్ డేటా రీఛార్జ్ వంటివి చూసుకుంటారు. ఒకవేళ ఎవరైనా వీడియో కాల్ వాడడం తెలియదంటే వాళ్లకి ఈ వారం రోజుల్లోపు నేర్పించొచ్చు. ఇదంతా కరెక్ట్గా ప్లాన్ చేస్తే… బర్త్డే సెలబ్రేషన్స్ని ఫోన్ లేదా లాప్టాప్ల్లో కేక్ కటింగ్, సెలబ్రేషన్స్ని అందరితో లైవ్లో షేర్ చేసుకోవచ్చు.
ఆన్లైన్ గేమ్స్
ఒకప్పుడు ఫోన్లో గేమ్స్ ఆడుతున్నారంటే.. పిల్లలను తెగ తిట్టేవాళ్లు అమ్మానాన్నలు. కానీ ఇప్పుడు వాళ్లే ప్లే స్టోర్ నుంచి గేమ్స్ డౌన్లోడ్ చేసి మరీ ఆడుతున్నారు. ఈ గేమ్స్ని కూడా బర్త్డే పార్టీ ఫన్లో యాడ్ చేయొచ్చు. పిల్లల, పెద్దల ఇంట్రెస్ట్ని బట్టి సెపరేట్ ఆన్లైన్ గేమ్స్ ప్లాన్ చేయొచ్చు. సెలబ్రేషన్ టైంలో అందరూ ఆన్లైన్లో ఆడుకోవచ్చు. ఇదీ.. ఒకరకమైన కమ్యూనికేషనే. కాబట్టి, అంతా ఎంజాయ్ చేస్తారు.
బ్యాకప్ ప్లాన్
ఇలాంటి డిజిటల్ సెలబ్రేషన్లకు అందరూ కొత్తే కాబట్టి కచ్చితంగా బ్యాకప్ ప్లాన్ ఉండాలి. ముందు అనుకున్నట్లు గేమింగ్ యాప్స్ పనిచేయకపోయినా, ఫోన్ లేదా లాప్టాప్ కెమెరాతో ఫిజికల్ గేమ్స్ ప్లాన్ చేసుకోవాలి. ఈ విషయాన్ని అందరికీ ముందుగానే చెప్పాలి. అలాగే పార్టీకి ఇంకా జోష్ రావాలంటే.. వీడియో కాల్లో అంత్యాక్షరి, డాన్సింగ్ గేమ్స్ ఆడుకోవచ్చు.
డ్రెస్ థీమ్
ఆన్లైన్ గెస్ట్లందరికీ డ్రెస్ థీమ్ గురించి చెప్పాలి. అంటే పార్టీకి ఒక కలర్ లేదా స్పెషల్ థీమ్ అనుకోవాలి. అందరూ ఒకేరకంగా డ్రెస్ చేసుకోవడం, ఒకే రంగు కాస్ట్యూమ్స్ వేసుకోవడం థ్రిల్లింగ్గా ఉంటుంది. అలాగే పెద్దలకు ఒక రకం, పిల్లలకు ఇంకోరకం థీమ్ ఉంటే మరింత ఎంజాయ్ చేయొచ్చు. పార్టీ జరిగే ఇంట్లో డెకరేషన్ కూడా థీమ్కి తగ్గట్టు ఉంటే చాలా బాగుంటుంది.
మెమరీ క్యాప్చర్స్
డిజిటల్ సెలబ్రేషన్స్లో పార్టిసిపేట్ చేస్తున్న వాళ్లందర్నీ… అప్పటికప్పుడు దిగిన ఫొటోలు పంపమని చెప్పాలి. అలాగే ఆన్లైన్ గేమింగ్, ఎంటర్టైన్మెంట్ ప్రోగ్రామ్స్ని వీడియోగా క్యాప్చర్ చేయాలి. ఇలా అన్ని ఫొటోలు, వీడియోలను కలెక్ట్ చేయాలి. ఫొటోలను, వీడియోలను సీడీల్లోకి కాపీ చేసుకుంటే… మళ్లీ మళ్లీ చూసుకోవచ్చు.
ఆన్లైన్ వర్క్షాప్స్ – కిడ్స్
పిల్లల బర్త్డే ప్రతిఒక్కరికీ గుర్తుండి పోవాలంటే వర్క్షాప్ ఐడియా బాగుంటుంది. పెయింటింగ్, డ్రాయింగ్ టీచర్లతో ముందుగా మాట్లాడాలి. ఒక టైం ఫిక్స్ చేసుకుని ఆ టైమ్కి పిల్లలంతా కెమెరా ముందుకొస్తే, ఆ టీచర్ చెప్పే ఇన్స్ర్టక్షన్స్తో పెయింటింగ్, డ్రాయింగ్, పేపర్ క్రాఫ్టింగ్ చేయొచ్చు.