హైదరాబాద్, వెలుగు: ఈ నెల18న బీసీ రిజర్వేషన్ల బంద్ సందర్భంగా బీజేపీ నేతలపై జరిగిన దాడిని ఆ పార్టీ సీనియస్గా తీసుకున్నది. దీనిపై నిజనిర్ధారణ కోసం ముగ్గురు సభ్యులతో కమిటీని ఏర్పాటు చేస్తున్నట్లు బీజేపీ రాష్ట్ర అధ్యక్షుడు రాంచందర్ రావు ప్రకటించారు. కమిటీలో మాజీ ఎంపీ సీతారాంనాయక్, ఓబీసీ మోర్చా రాష్ట్ర అధ్యక్షుడు ఆనంద్గౌడ్, ఎస్సీ మోర్చా రాష్ట్ర అధ్యక్షుడు కాంతికిరణ్ ఉన్నారు.
కాగా, బంద్ రోజున బీజేపీ నేతలు ఈవీ రమేశ్, నాయుడు రాఘవరావు, పాలకొల్లు శ్రీనివాస్పై అట్రాసిటీ కేసులు నమోదయ్యాయి. పలువురు నేతలపైనా పోలీసులు దొమ్మి కేసులు నమోదు చేశారని ఆ పార్టీ నేతలు చెప్తున్నారు. కాగా, బీజేపీ నిజనిర్ధారణ కమిటీ.. క్షేత్రస్థాయిలో పర్యటించి, పోలీసు అధికారులతో మాట్లాడి రాష్ట్ర పార్టీకి నివేదిక అందించనున్నది.
