గ్రూప్ దశ, ప్రిక్వార్టర్స్తో సాకర్ ఫ్యాన్స్ను ఉర్రూతలూగించిన ఫిఫా వరల్డ్కప్లో హై ఓల్టేజ్ సమరానికి తెరలేచింది. నేడు జరిగే క్వార్టర్ఫైనల్లో బ్రెజిల్తో క్రొయేషియా, అర్జెంటీనాతో నెదర్లాండ్స్ అమీతుమీ తేల్చుకోనున్నాయి. సాకర్ వరల్డ్ను శాసిస్తున్న హీరోలు నెయ్మార్, మెస్సీతో పాటు.. అంతగా ప్రాచుర్యం లేని లూకా మోడ్రిచ్, వర్జిల్ వాన్ డిక్ కూడా తమ టీమ్లను గెలిపించేందుకు సరికొత్త స్ట్రాటజీలతో ముందుకొస్తున్నారు. మరి, క్వార్టర్స్ గండాన్ని దాటి సెమీస్ చేరేదెవరో చూడాలి.
దోహా: బ్రెజిల్.. ఈ భూమ్మీద ఫుట్బాల్ ఉన్నంతకాలం ఈ పేరు మారుమోగుతూనే ఉంటుందంటారు. ఇప్పటి వరకు ఐదుసార్లు (1958, 1962, 1970, 1994, 2002) విన్నర్గా నిలిచిన బ్రెజిల్.. ఆరో కప్పై కన్నేసింది. ఈ నేపథ్యంలో శుక్రవారం రాత్రి జరిగే తొలి క్వార్టర్స్లో యూరోపియన్ ప్రత్యర్థి, గత రన్నరప్‌ క్రొయేషియాతో తలపడనుంది. ఆట, రికార్డులు, ప్లేయర్లు.. ఇలా ఏ రకంగా చూసినా ఈ మ్యాచ్లో బ్రెజిల్ ఫేవరెట్గా బరిలోకి దిగుతున్నది. హెడ్ టు హెడ్ రికార్డు ప్రకారం ఇప్పటివరకు ఇరుజట్ల మధ్య జరిగిన నాలుగు మ్యాచ్ల్లో బ్రెజిల్ మూడు విజయాలు, ఓ డ్రాతో ముందంజలో ఉంది. ఈ వరల్డ్కప్ గ్రూప్–జిలో విన్నర్గా నాకౌట్కు చేరిన బ్రెజిల్.. ప్రిక్వార్టర్స్లో సౌత్ కొరియాను 4–1తో ఓడించింది. ప్రస్తుత ఫామ్ ప్రకారం చూస్తే క్రొయేషియాను ఓడించడం బ్రెజిల్కు పెద్ద కష్టం కాదు. వరల్డ్ సాకర్ హార్ట్ బీట్ నెయ్మార్తో పాటు తియాగో సిల్వ బ్రెజిల్కు కొండంత అండ. కోచ్ టిటే స్ట్రాటజీలు అదనపు బలం. ఇక 2018లో ఏ మాత్రం అంచనాలు లేకుండా వచ్చి ఫైనల్ చేరినా టైటిల్ను సాధించలేకపోయిన క్రొయేషియా.. ఈసారి కప్ను ముద్దాడాలని టార్గెట్గా పెట్టుకుంది. లీగ్ దశలో కెనడాపై 4–1తో నెగ్గిన ఆ జట్టు జపాన్తో ప్రిక్వార్టర్స్ మ్యాచ్లో 3–1(పెనాల్టీ)తో గెలిచి ఆత్మవిశ్వాసాన్ని పెంచుకుంది. ఇక్కడ ప్లేయర్ల కంటే కోచ్ జట్కో డాలిచ్ వ్యూహాలపైనే క్రొయేషియా ఎక్కువగా ఆధారపడనుంది.
