బెల్లంపల్లి రూరల్, వెలుగు: వేమనపల్లి మండలంలో బీఆర్ఎస్ పార్టీకి మరో ఎదురుదెబ్బ తగిలింది. వేమనపల్లి మాజీ ఎంపీపీ ఆకుల లింగాగౌడ్తో పాటు 100 మంది బీఆర్ఎస్ నాయకులు మాజీ జడ్పీటీసీ సంతోష్కుమార్ అధ్యక్షతన శుక్రవారం ఎమ్మెల్యే గడ్డం వినోద్ సమక్షంలో కాంగ్రెస్ పార్టీలో చేరారు. ఎమ్మెల్యే వారికి పార్టీ కండువాలు కప్పి పార్టీలోకి ఆహ్వానించారు. 20 రోజుల కింద మాజీ ఎంపీపీ వెంకటేశం, బీఆర్ఎస్ నాయకులు కాంగ్రెస్లో చేరారు.
అంబాల శ్రీనివాస్, సంతోష్, చిరంజీవి, శంకర్, పవన్, రూపేశ్, దస్నాపూర్ గ్రామానికి చెందిన రాజేశ్గౌడ్, తిరుమలేశ్, సంతోష్ గౌడ్, రామాగౌడ్, రాజాగౌడ్, మహేశ్ గౌడ్ పార్టీలో చేరిన వారిలో ఉన్నారు. మాజీ ఎంపీపీ లింగాగౌడ్ మాట్లాడుతూ కాంగ్రెస్ పార్టీలో చేరడంతో సొంత ఇంటికి వచ్చినట్లు ఉందన్నారు. ప్రభుత్వం అమలు చేస్తున్న పథకాలతో అన్నివర్గాలకు న్యాయం జరుగుతుందని చెప్పారు. వేమనపల్లి మండల కాంగ్రెస్ అధ్యక్షుడు సాబీర్ అలీ, మాజీ సర్పంచులు గాలి మధు, తిరుపతిరెడ్డి, కొమురం రమేశ్, చెన్నూరి పురుషోత్తం పాల్గొన్నారు.
