తిరుపతి జిల్లా రేణిగుంటలో బైక్ దొంగలను పోలీసులు పట్టుకున్నారు. నిందితుల నుంచి 41 ద్విచక్రవాహనాలతో ఆటు రూ. 20.15 లక్షలు స్వాధీనం చేసుకున్నారు. వివరాల్లోకి వెళ్తే రేణిగుంటలో బైక్ దొంగతనాలు పెరిగిపోవడంతో బాధితుల ఫిర్యాదు మేరకు పోలీసులు నిఘా పెంచారు. డీఎస్పీ భవ్య కిషోర్ ఆధ్యర్యంలో రెండు బృందాలు ప్రత్యేక టీంలుగా ఏర్పడి అనుమానాస్పద ప్రాంతాల్లో మప్టీలో తిరుగుతూ పరిశీలిస్తున్నారు. గోపాలపురం క్రాస్ రోడ్ లో తనిఖీలు నిర్వహిస్తుండగాముగ్గురు వ్యక్తులు అనుమానాస్పదంగా సంచరించడంతో అదుపులోకి తీసుకొని విచారించారు.
వీరికి గతంలో నేర చరిత్ర ఉందని తమ విచారణలో వెల్లడైందని పోలీసులు తెలిపారు. రేణిగుంట పోలీస్ స్టేషన్ పరిధిలో 13, అలిపిరి పీఎస్ పరిధిలో 12, కోడూరు ప్రాంతాల్లో పలు బైక్ లు చోరీకి పాల్పడ్డారు. నిందితుల్లో ఇద్దరు కోడూరు వాసులుగా నిర్దారించారు. రేణిగుంట రైల్వే స్టేషన్, అలిపిరి, కోడూరు ప్రాంతాల్లో పార్కింగ్ చేసిన వాహనాలను చోరీచేసి తమిళనాడుకు చెందిన కరీం అనే వ్యక్తికి అమ్ముతున్నట్లు పోలీసులు చెప్పారు, నిందితులు చెడు వ్యసనాలకు బానిసయి దొంగతనాలకు పాల్పడుతున్నారని ఎస్పీ పరమేశ్వరరెడ్డి తెలిపారు. బైక్ దొంగలను పట్టుకున్న రేణిగుంట డీఎస్పీ భవ్య కిషోర్, సీఐ సుబ్బారెడ్డిని ఆయన అభినందించి ప్రశంసా పత్రాలు అందించారు. ఎవరైనా చట్ట వ్యతిరేక కార్యకలాపాలకు పాల్పడితే కఠినంగా శిక్షిస్తామన్నారు.
