జడ్చర్ల, వెలుగు : నియోజకవర్గంలో చేపట్టిన అభివృద్ధి, సంక్షేమ పథకాలను చూసి ఓట్లు వేసి, తనను మరోసారి ఆశీర్వదించాలని జడ్చర్ల బీఆర్ఎస్ అభ్యర్థి, ఎమ్మెల్యే సి.లక్ష్మారెడ్డి కోరారు. జడ్చర్ల మున్సిపాల్టీలోని 25, 26వ వార్డుల్లో ఆదివారం ఇంటింటికీ తిరుగుతూ ఓట్లను అభ్యర్థించారు. పలువురు ప్రముఖులను కలిసి మద్దతు కోరారు. తొమ్మిదేండ్ల కేసీఆర్ పాలనలో చేపట్టిన సంక్షేమ పథకాలను వివరించారు. ఈ సందర్భంగా ఆయన మాట్లాడుతూ కాంగ్రెస్ పాలనలో రైతుల సంక్షేమానికి ఎలాంటి చర్యలు తీసుకోలేదన్నారు.
వ్యవసాయానికి ఉచిత విద్యుత్ ఇచ్చిన ఘనత సీఎం కేసీఆర్దేనన్నారు. జడ్చర్లలో జరిగిన అభివృద్ధి బీఆర్ఎస్ ప్రభుత్వ పనితీరుకు నిదర్శనమన్నారు. ఇక మున్సిపల్ కౌన్సిలర్లు ప్రత్యేక బృందాలుగా ఏర్పడి ఎన్నికల ప్రచారం చేయగా, ఎమ్మెల్యే కొడుకు స్వరణ్ రెడ్డి, కూతురు స్ఫూర్తిరెడ్డి వివిధ గ్రామాల్లో ప్రచారం చేశారు. మున్సిపల్ చైర్ పర్సన్ దోరేపల్లి లక్ష్మీ రవీందర్, కౌన్సిలర్లు శశికిరణ్, ఉమాశంకర్ గౌడ్, రఘురాంగౌడ్, కొండల్, జ్యోతి కృష్ణారెడ్డి, కోట్ల ప్రశాంత్రెడ్డి, ముడా డైరెక్టర్లు శ్రీకాంత్, ఇమ్ము, పర్వత్రెడ్డి, సునీల్ పాల్గొన్నారు.
