కెనడాలోని బ్రిటిష్ కొలంబియా ప్రావిన్స్‌లో 17 ఏళ్ల సిక్కు హైస్కూల్ విద్యార్థి బస్టాప్‌లో దాడి గురయ్యాడు. ఈ సంఘటన సెప్టెంబర్ 11న కెలోవానాలో రట్‌ల్యాండ్ రోడ్ సౌత్, రాబ్సన్ రోడ్ ఈస్ట్ కూడలి వద్ద జరిగింది. అక్కడ హైస్కూల్ విద్యార్థిని తన్నడం, కొట్టడం, పెప్పర్ స్ప్రే చేయడం వంటివి జరిగాయి.
"విద్యార్థి ఇంటికి వెళుతుండగా.. ఓ యువకుడు అతనిపై పెప్పర్ స్ప్రే చేసినట్లు అధికారులు నిర్ధారించారు" అని రాయల్ కెనడియన్ మౌంటెడ్ పోలీస్ ఒక ప్రకటనలో తెలిపారు. దాడికి ముందు, బస్సులో వాగ్వాదం జరిగిందని, ఆ తర్వాత ఈ ఘటన చోటుచేసుకున్నట్టు పోలీసులు తెలిపారు. పోలీసులు మరిన్ని వివరాలను విడుదల చేయనప్పటికీ, కెనడాకు చెందిన వరల్డ్ సిక్కు ఆర్గనైజేషన్, వాహనంలో ఉండగా విద్యార్థిపై దాడి జరిగిందని ఆరోపించింది.
Also Read : జనాలు చస్తుంటే నీకు నవ్వొస్తుందా .. యాంకర్కు చివాట్లు
"ఇద్దరు వ్యక్తులు విద్యార్థిని సంప్రదించి, మొదట బస్సులోకి అతని ప్రవేశాన్ని అడ్డుకున్నారు. అతన్ని లైటర్ తో బెదిరించడం, వారి ఫోన్లతో చాలా దూరం నుండి అతనిని రికార్డ్ చేయడం ప్రారంభించారు" అని ఓ నివేదిక తెలిపింది. "కెలోవానాలోని సిక్కు ఉన్నత పాఠశాల విద్యార్థిపై జరిగిన దాడి దిగ్భ్రాంతికరమైనది, ఆమోదయోగ్యం కాదు" అని బ్రిటిష్ కొలంబియా WSO వైస్ ప్రెసిడెంట్ గుంటాస్ కౌర్ అన్నారు.
ఈ ఏడాది నగరంలో పబ్లిక్ ట్రాన్సిట్‌లో వెళుతున్న సిక్కు యువకుడిపై హింసకు గురికావడం ఇది రెండోసారి. మార్చిలో, భారతదేశానికి చెందిన 21 ఏళ్ల సిక్కు విద్యార్థి గగన్‌దీప్ సింగ్‌పై బ్రిటిష్ కొలంబియా ప్రావిన్స్‌లో గుర్తుతెలియని వ్యక్తులు దాడి చేశారు. అతని తలపాగాను చింపి, అతని జుట్టు పట్టుకుని రోడ్డుపైకి లాగారు.
