తమిళనాడు హెలికాప్టర్ ప్రమాదం నుంచి కొన ఊపిరితో బయటపడిన కెప్టెన్ వరుణ్ సింగ్ తుదిశ్వాస విడిచారు. డిసెంబర్ 8న సీడీఎస్ బిపిన్ రావత్, ఆయన భార్యతో పాటు మరో మొత్తం 14 మంది వెల్లింగ్టన్ వెళ్తుండగా కూనూరులో ఆర్మీ హెలికాప్టర్ కూలిపోయింది. ఈ ఘటనలో వరుణ్ సింగ్ మినహా మిగతావారందరూ అక్కడికక్కడే మృతిచెందారు. తీవ్రగాయాలతో బయటపడిన వరుణ్ సింగ్ ను వెల్లింగ్టన్ ఆర్మీ ఆస్పత్రికి తరలించి.. అక్కడినుంచి మెరుగైన వైద్యం కోసం బెంగుళూరులోని కమాండ్ హాస్పిటల్‌ కు తరలించారు. అక్కడ చికిత్స పొందుతున్న ఆయన బుధవారం కన్నుమూసినట్లు ఇండియన్ ఎయిర్ ఫోర్స్ ప్రకటించింది.
IAF is deeply saddened to inform the passing away of braveheart Group Captain Varun Singh, who succumbed this morning to the injuries sustained in the helicopter accident on 08 Dec 21. IAF offers sincere condolences and stands firmly with the bereaved family.
— Indian Air Force (@IAF_MCC) December 15, 2021
వరుణ్ సింగ్ సేవలు మరువలేనివి
గ్రూప్ కెప్టెన్ వరుణ్ సింగ్ దేశానికి ఎంతో సేవ చేశారని, ఆయన సేవలు మరువలేనివని ప్రధాని మోడీ అన్నారు. ‘గ్రూప్ కెప్టెన్ వరుణ్ సింగ్ గర్వంగా, పరాక్రమంతో మరియు అత్యంత నైపుణ్యంతో దేశానికి సేవ చేశాడు. ఆయన మృతి పట్ల నేను తీవ్ర వేదనకు లోనయ్యాను. దేశానికి ఆయన చేసిన గొప్ప సేవ ఎన్నటికీ మరువలేనిది. ఆయన కుటుంబ సభ్యులకు మరియు స్నేహితులకు నా సంతాపం. ఓం శాంతి’ అని మోడీ ట్వీట్ చేశారు.
Group Captain Varun Singh served the nation with pride, valour and utmost professionalism. I am extremely anguished by his passing away. His rich service to the nation will never be forgotten. Condolences to his family and friends. Om Shanti.
— Narendra Modi (@narendramodi) December 15, 2021
For More News..
వీడియో: పల్లకి తెగి కిందపడిన కొత్త జంట
