పెబ్బేరు, వెలుగు: పట్టపగలు జనాలు తిరిగే రద్దీ ప్రాంతంలో కారులోని నగదును దొంగిలించడం కలకలం రేపింది. పీజేపీ క్యాంప్నకు చెందిన ఎంఏ రశీద్ ఉదయం ఎస్బీఐ బ్యాంక్లో రూ.36 వేలు డ్రా చేసి కారులోని డిక్కీలో ఉంచాడు. పట్టణంలోని శాంతి హాస్పిటల్ ముందు కారు ఆపి, అందులోంచి రూ. వెయ్యి తీసుకొని పోస్ట్ ఆఫీస్లో ఆర్డీ చేసి వచ్చేలోగా కారు డోర్ ఓపెన్ చేసి ఉండడంతో డబ్బులు చూసుకోగా కనిపించలేదు. రూ.35 వేలు చోరీ అయినట్లు గుర్తించి వెంటనే పోలీసులకు సమాచారం ఇచ్చారు.
పోలీసులు శాంతి హాస్పిసిటల్ సీసీ పుటేజీని పరిశీలించగా, డబ్బును దొంగ ఎత్తుకెళ్లినట్లు గుర్తించారు. బ్యాంక్లో సీసీ పుటేజీని పరిశీలించగా, ఓ వ్యక్తి ఫేస్కు మాస్క్ వేసుకొని రశీద్ ను గమనించడం రికార్డు అయింది. పోలీసులు కేసు నమోదు చేసి దర్యాప్తు చేస్తున్నారు.
