హైదరాబాద్, వెలుగు: తమ టీమ్ సభ్యులతో కలిసి ఆయుధాలతో ఇటీవల పోలీసులకు లొంగిపోయిన మావోయిస్టు పార్టీ అగ్ర నేతలు మల్లోజుల వేణుగోపాల్, ఆశన్నకు 'వై' కేటగిరీ భద్రత కల్పించాలని కేంద్ర ప్రభుత్వం నిర్ణయించినట్లు తెలుస్తున్నది. రాష్ట్ర ఇంటెలిజెన్స్ వర్గాలకు కూడా ఈ మేరకు సమాచారం అందింది.
పోలీసులకు ఆయుధాలు అప్పగించడం ద్వారా పార్టీకి మల్లోజుల, ఆశన్న నమ్మకం ద్రోహం చేశారని.. వాళ్లి ద్దరూ విప్లవ ద్రోహులని, వాళ్లకు శిక్ష తప్పదంటూ మావోయిస్టు అధికార ప్రతినిధి అభయ్ పేరిట లేఖ విడుదలైంది. ప్రస్తుతం ఆయుధాలు వీడి జనజీవన స్రవంతిలో కలిసి ఈ ఇద్దరు అగ్ర నేతలకు ఏమైనా జరి గితే ప్రభుత్వానికి చెడ్డపేరు వస్తుందని, మిగిలిన మావోయిస్టులు లొంగుబాటుకు ముందుకు రారని కేంద్రం భావిస్తున్నది. ఇందులో భాగంగానే ఈ ఇద్దరికీ కొన్నాళ్ల పాటు వై కేటగిరీ భద్రత కల్పించాలని నిర్ణయం తీసుకున్నట్లు పోలీస్వర్గాల ద్వారా తెలుస్తున్నది.
ఇంకా స్వగ్రామాలకు చేరుకోలే
వేణుగోపాల్ది పెద్దపల్లి జిల్లా కేంద్రం కాగా.. ఆశన్నది ములుగు జిల్లా నర్సింగాపూర్. మావోయిస్టు పార్టీ కేంద్ర కార్యదర్శి నంబాల కేశవ్రావు మృతి తర్వాత మావోయిస్టు పార్టీలో విభేదాలు తీవ్రస్థాయికి చేరడంతో నేతలు గ్రూపులుగా విడిపోయారు. ఆయుధాలు వీడి ప్రభుత్వంతో చర్చలకు వెళ్లాలని నిర్ణయించుకున్న మల్లోజుల, ఆశన్న గ్రూపులు.. మహారాష్ట్ర, చత్తీస్గఢ్ సీఎంల ఎదుట లొంగిపోయాయి. ఈ నెల 15న మహారాష్ట్ర సీఎం దేవేంద్ర ఫడ్నవీస్ ఎదుట మల్లోజుల వేణుగోపాల్ 60 మందితో కలిసి సరెండర్కాగా.. ఆ తర్వాత ఆశన్న చత్తీస్గఢ్లో తన టీమ్ సభ్యులతో కలిసి లొంగిపోయారు.
ఇది జరిగి వారం రోజులు అవుతున్నా.. ఈ ఇద్దరు లీడర్లు ఇప్పటి వరకు తమ స్వగ్రామాలకు చేరుకోలేదు. మావోయిస్టులతో ముప్పు పొంచి ఉన్నందున వీరిద్దరికీ ఇప్పటికీ పోలీసుల సంరక్షణలోనే ఉన్నట్లు ప్రచారం జరుగుతున్నది. మల్లోజుల ప్రస్తుతం మహారాష్ట్ర లో ఉండగా, ఆశన్న చత్తీస్ గఢ్లో ఉన్నట్లు ఉన్నారు.
