హైదరాబాద్, వెలుగు: బోరింగర్ ఇంగెల్హీమ్(బీఐ) కిడ్నీ వ్యాధుల కోసం తయారు చేసిన జార్జిడయన్స్(ఎంపాగ్లిఫ్లోజిన్)కు సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ ఆమోదం తెలిపింది. దీర్ఘకాల కిడ్నీ వ్యాధుల కోసం ఇక నుంచి నెఫ్రాలజిస్టులు జార్డియన్స్ 10 ఎంజీ మాత్రలను సూచించవచ్చు. నిజానికి ఈ డ్రగ్ను ఇది వరకు టైప్ 2 డయాబెటిస్కు ఆమోదించారు.
పాలీసిస్టిక్ కిడ్నీ డిసీజ్‌ ఉన్న రోగులలో లేదా ఇంట్రావీనస్ ఇమ్యునోసప్రెసివ్ థెరపీ అవసరమయ్యే వారికి జార్డియన్స్ను సిఫార్సు చేయరని బీఐ తెలిపింది. దీనిని వాడటం వల్ల ఆస్పత్రుల్లో చేరే అవసరం తప్పుతుందని, కిడ్నీ ఫెయిల్యూర్ను ఆపవచ్చని పేర్కొంది.
