వికారాబాద్, వెలుగు: వికారాబాద్ జిల్లా యాలాల పరిధిలో చైన్ స్నాచింగ్ కలకలం రేపింది. యాలాల మండలంలోని రాస్నం గ్రామానికి చెందిన అన్నాచెల్లెళ్లు గోపాల్ రెడ్డి, కమల బైక్పై తాండూర్ నుంచి ఇంటికి వెళ్తుండగా, విశ్వనాథ్పూర్ గ్రామ శివారులో ఇద్దరు వ్యక్తులు బైక్పై వచ్చి పోలీసులమని వారిని అడ్డగించి మాటల్లో పెట్టారు.
ఈ క్రమంలో మరో ఇద్దరు వ్యక్తులు మరో బైక్పై వచ్చి కమల మెడలోని 5 తులాల బంగారు గొలుసును లాక్కొని పారిపోయారు. ఈ ఘటనపై బాధితులతో ఫిర్యాదుతో కేసు నమోదు చేసి దర్యాప్తు చేస్తున్నట్లు ఎస్ఐ విఠల్ రెడ్డి తెలిపారు.
