కామారెడ్డిటౌన్, వెలుగు: బీసీ సంక్షేమ శాఖ ఆధ్వర్యంలో కలెక్టరేట్లో చాకలి ఐలమ్మ వర్ధంతి నిర్వహించారు. ఆమె ఫొటోకు ఎస్సీ, ఎస్టీ కమిషన్ చైర్మన్ వెంకటయ్య, కలెక్టర్ ఆశిశ్సంగ్వాన్, ఎస్పీ సింధూశర్మ, ఆయా శాఖల ఆఫీసర్లు, సంఘాల ప్రతినిధులు పూలమాలలు వేసి నివాళ్లులర్పించారు. మెయిన్ రోడ్డులోని చాకలి ఐలమ్మ విగ్రహానికి రజక, బీసీ సంఘాల ప్రతినిధులు, మున్సిపల్చైర్పర్సన్ గడ్డం ఇందుప్రియ పూలమాలలు వేసి నివాళులర్పించారు.
లింగంపేట: లింగంపేట మండల కేంద్రంలో చాకలి ఐలమ్మ వర్ధంతిని ఆఫీసర్లు, అధికార పార్టీ లీడర్లు మంగళవారం నిర్వహించారు. ఎంపీడీఓ ఆఫీస్ ఆవరణలో మండల ప్రత్యేక అధికారి డీఆర్డీఓ సురేందర్, ఎంపీడీఓ నరేష్, ఏపీఎం శ్రీనివాస్, పవన్కుమార్ తదితరులు పూలమాలలు వేసి నివాళులర్పించారు. అలాగే బీసీ హాస్టల్ వద్ద గల ఐలమ్మ విగ్రహానికి కాంగ్రెస్ పార్టీ మండల అధ్యక్షుడు బుర్ర నారాగౌడ్, మైనారిటీ సెల్ రాష్ట్ర ప్రధాన కార్యదర్శి రఫియొద్దీన్, ఎల్లారెడ్డి ఏఎంసీ వైస్చైర్మన్జొన్నల రాజు తదితరులు పూలమాలలు వేసి నివాళులర్పించారు. ఈ సందర్భంగా పలువురు నాయకులు మాట్లాడారు. చాకలి ఐలమ్మ పోరాట స్ఫూర్తి ఉద్యమకారులకు మార్గదర్శకం అన్నారు.
నవీపేట్: తెలంగాణ వీరనారి చాకలి ఐలమ్మ వర్ధంతిని మండలంలో ఘనంగా నిర్వహించారు. నాల్లేశ్వర్ గ్రామస్తులు ఆమె విగ్రహనికి పూలమాలలు వేసి నివాలర్పించారు. ఈ సందరర్భంగా బినోలా సొసైటీ చైర్మన్ హన్మాండ్లు మాట్లాడుతూ రజాకార్లకు ఎదురొడ్డి పోరాడిన వీర వనిత మన ఐలమ్మ అని అన్నారు. ఆమె స్ఫూర్తితో తెలంగాణ రాష్ట్రాన్ని సాధించుకున్నామన్నారు.
ధర్పల్లి : ధర్పల్లి మండల కేంద్రంలో మంగళవారం చాకలి ఐలమ్మ వర్ధంతి ఘనంగా నిర్వహించారు. పలువురు నాయకులు ఆమె విగ్రహానికి పూలమాలలువేసి నివాళులర్పించారు. కార్యక్రమంలో కాంగ్రెస్ మండల అధ్యక్షుడు ఆర్మూర్ చిన్నబాల్రాజ్, కాంగ్రెస్ నాయకులు చిన్నారెడ్డి, చెలిమెల శ్రీనివాస్, చెలిమెల నర్సయ్య, సురేందర్గౌడ్, రజక సంఘం నాయకులు తదితరులు పాల్గొన్నారు.
బాల్కొండ : చిట్యాల చాకలి ఐలమ్మ తెలంగాణ స్ఫూర్తి ప్రదాత అని మలి దశ ఉద్యమ కారుడు బుల్లెట్ రాంరెడ్డి అన్నారు. ముప్కాల్ మండలంలోని రెంజర్ల లో రజక సంఘం ఆధ్వర్యంలో మంగళవారం ఐలమ్మ విగ్రహానికి పూలమాలలు వేసి నివాళులర్పించారు.
ఆర్మూర్ : ఆర్మూర్ లో మంగళవారం రజక సంఘం ఆధ్వర్యంలో చాకలి ఐలమ్మ 39 వర్ధంతిని నిర్వహించారు. దోభీఘాట్ చౌరస్తాలోని చాకలి ఐలమ్మ విగ్రహానికి మున్సిపల్ చైర్ పర్సన్ వన్నెల్ దేవి లావణ్య అయ్యప్ప శ్రీనివాస్, వైస్ చైర్మన్ షేక్ మున్ను పూలమాలలు వేసి నివాళులర్పించారు.
