చాట్ జీపీటీ మాతృసంస్థ ఓపెన్‌ఏఐ ఇటీవల "షాపింగ్ రీసెర్చ్" అనే కొత్త టూల్‌ను ప్రకటించింది. ఇది చాట్‌జీపీటీ వినియోగదారులకు ప్రత్యేకంగా రూపొందించిన, విశ్లేషణాత్మకమైన షాపింగ్ గైడ్‌ తయారుచేసే సాంకేతికత. ఈ టూల్ వినియోగదారుల బడ్జెట్, కావలసిన ఫీచర్లు, వస్తువు ఎవరికి కావాలో వంటి వివిధ అంశాల ఆధారంగా పర్సనల్ షాపింగ్ సూచనలను అందిస్తుంది. వినియోగదారులు ప్రశ్నలు అడుగగానే ఈ టూల్ ఆటోమేటిక్‌గా ప్రత్యక్షమవుతుంది.
షాపింగ్ ఫీచర్ OpenAI GPT-5 మినీ మోడల్ ఆధారంగా పనిచేస్తుంది. ఇది నమ్మదగిన రిటైల్ వెబ్‌సైట్లు, వినియోగదారుల రివ్యూ లను సమగ్రపరచి సరైన ఉత్పత్తి సమాచారాన్ని అందిస్తుంది. వినియోగదారులతో క్విజ్ రూపంలో ఇంటరాక్టివ్‌గా ప్రశ్నలు అడిగి వారి అవసరాలను అధిగమించి వాటికి సరిపోయే 10-15 బెస్ట్ ఆప్షన్స్ చూపిస్తుంది. భవిష్యత్తులో ఈ షాపింగ్ రీసెర్చ్ టూల్‌తో ఇన్‌స్టాంట్ చెకౌట్ ద్వారా కస్టమర్లు చాట్‌జీపీటీతోనే షాపింగ్ కూడా పూర్తి చేయగలుగుతారు.
Also read:- ఫ్లిప్‌కార్ట్ బ్లాక్ ఫ్రైడే సేల్ మొదలైంది: Apple, Samsung, Vivo ఫోన్‌లపై బంపర్ ఆఫర్లు!
OpenAI ఈ టూల్‌ను చాట్‌జీపీటీ ఫ్రీ, గో, ప్లస్, ప్రో సేవల్లో లాగినైన వినియోగదారులకు అందుబాటులోకి తీసుకొచ్చింది. ఇది వినియోగదారుల ప్రశ్నలకు సమగ్రంగా సమాధానాలను ఇవ్వగలదు. ఇది కస్టమర్లకు సరైన వస్తువు ఎంపిక చేసుకునే ప్రక్రియను సులభతరం చేస్తుంది.
