ప్రస్తుత బీజీ లైఫ్ లో ప్రతి ఒక్కరూ.. త్వరగా శక్తినిచ్చే పదార్థాలు తినాలనుకుంటారు. అలాంటి ఆహారమే 'చియా' గింజలు. చూడటానికి చిన్న గింజలే అయినా..ఇవి అద్భుతమైన ఆహారంగా శాస్త్రవేత్తలు ధృవీకరించారు. ఇప్పుడు ఈ గింజల గురించి తెలుసుకుందాం. . .!
చియా గింజల ద్వారా బరువు, డయాబెటిస్ తగ్గడమే కాకుండా గుండె, ఎముకల ఆరోగ్యాన్ని దృఢపరుస్తుందని తేల్చి చెప్పారు. శరీరం, మెదడు చురుకుగా ఉండటానికి చియా గింజలు ఎంతో దోహదపడతాయి.
పుదీనా మొక్క జాతి
అత్యంత ప్రజాదరణ పొందిన.. ఆరోగ్యవంతమైన ఆహార పదార్థాల జాబితాలో కొత్తగా చేరాయి చియా గింజలు. ఈ గింజలు పుదీనా జాతికి చెందిన 'సాల్వియా హిస్పానికా' మొక్క నుంచి సేకరిస్తారు. ఈ మొక్కలు సా ధారణంగా దక్షిణ అమెరికాలో పెరుగుతాయి. వీటి పరిమాణం చిన్నవిగా ఉన్నప్పటికీ, ఈ గింజలు భూమి మీద లభించే అత్యంత పోషక పదార్థాల్లో ఒకటిగా చెప్పొచ్చు. చియా గింజల్లో 15నుంచి 25 శాతం ప్రోటీన్స్.... 26 నుంచి 41 శాతం కార్బో హైడ్రేట్లు, 30 నుంచి 33 శాతం కొవ్వులు, 18 నుంచి 30 శాతం పీచు, ఖనిజాలు, విటమిన్లు, యాంటీ ఆక్సిడెంట్లు పుష్కలంగా ఉంటాయి.
ALSO READ : ప్రోటీన్లు ఫుడ్ .. కండరాలకు బలం.. పిల్లలు.. పెద్దలు అందరూ తినాల్సిన ఆహారం ఇదే..!
ఎక్కువ ఖనిజాలు
చియా గింజలు ఎముకల ఆరోగ్యానికి అవసరమైన కాల్షియం, ఫాస్పరస్, మెగ్నీషియం అందిస్తాయి. ఈ గింజల్లో ఒమెగా3 కొవ్వు ఆమ్లాలు కూడా పుష్కలంగా ఉంటాయి. ఈ గింజలు తీసుకోవడం వల్ల రక్తంలో ALA (ఆల్ఫా లినోలెనిక్ యాసిడ్) స్థాయి , ఈపీఏ (ఎ కోసాపెంటానోక్ యాసిడ్) పెరుగుతాయని పరిశోధకులు చెబుతున్నారు.
అధిక మొత్తంలో పీచు పదార్థాలు
వంద గ్రాముల చియా గింజల్లో సుమారు 34 గ్రాముల పీచు పదార్థం ఉంటుంది. చియాలో ఉండే పీచు పదార్థం గింజ బరువుకు 12 రెట్లుఎక్కువగా నీటిని పీల్చుకుంటుంది. దీంతో నెమ్మదిగా జీర్ణం జరిగి... గ్లూకోజ్ విడుదల కూడా నెమ్మదిస్తుంది. కాబట్టి ఇది డయాబె టిస్ రోగులకు కూడా చాలా ఉపయోగంగా ఉంటుంది. ప్లాస్మా కొలెస్ట్రాల్ ను కూడా చియా గింజలు తగ్గిస్తాయి. ఇన్ని ఆరోగ్య ప్రయోజనా లు ఉన్నాయి. కాబట్టి.. చియా గింజల్ని తగిన మోతాదులో ప్రతి రోజు తీసుకోవడం వల్ల శరీ రాన్ని సమతుల్యంగా ఉంచుకోవచ్చని నిపుణులు చెబుతున్నారు.
–వెలుగు,లైఫ్–
