లడక్ దగ్గర్లో , పాంగాంగ్ నదికి 200 కిలోమీటర్ల దూరంలో చైనా ఎయిర్ బేస్ ను నిర్మించింది. రన్ వే ఏర్పాటు చేసి ఫైటర్ జెట్లను నిలిపి ఉంచింది. ఇందుకు సంబంధిం చిన శాటిలైట్ ఇమేజ్ లు బయటికి వచ్చాయి. ఏప్రిల్ 6 వ తేదీ తీసిన చిత్రాలతో పోల్చి చూస్తే..ఈ నెల 21 నాటికి అక్కడ పరిస్థితి పూర్తిగా మారినట్లు కనిపిస్తోంది. భారీ నిర్మాణ పనులు జరిగినట్లు తెలుస్తోంది. ఈ శాటిలైట్ చిత్రాలను ఇంటెలిజెన్స్ ఎక్స్పర్ట్ ‘డెట్రెస్ఫా’ అనే సంస్థ విడుదల చేసింది.నాలుగు ఫైటర్ ప్లేన్లు హెలికాప్టర్లు , కాంబాట్ ఎయిర్క్రాఫ్టులను నిలిపి ఉంచేందుకు తారు రోడ్డును అక్కడ నిర్మించారు. మరో శాటిలైట్ పిక్చర్లో నాలుగు ఫైటర్ ప్లేన్లు వరుసగా పార్క్ చేసి ఉంచడం కనిపించింది. అవి చైనా పీపుల్స్ లిబరేషన్ ఆర్మీఎయిర్ఫోర్స్కి చెందిన జే11 లేదా జే16 ఫైటర్లుగా భావిస్తున్నారు. మరోవైపు వేలాది మందిచైనా సోల్జర్లు లడఖ్ లోని లైన్ ఆఫ్ యాక్చువల్ కంట్రోల్ (ఎల్ఏసీ) దాటి వచ్చి ఉంటారని లేదా సరిహద్దుల దగ్గరగా వచ్చి ఉంటారని పలు రిపోర్టులు చెబుతున్నాయి.
