అంతరిక్ష చరిత్రలో సరికొత్త అధ్యాయం.. అంతరిక్షంలో ఇప్పటివరకు నిల్వ ఉంచిన ప్రత్యేక పదార్థాలను మాత్రమే వ్యోమగాములు తినేవారు. ఇకనుంచి వండిన పదార్థాలు కూడా తినొచ్చని చైనా ఆస్ట్రోనాట్స్ నిరూపించారు. స్పేస్ స్టేషన్ లో చికెన్ వింగ్ వండుకొని తింటున్న వీడియో బాగా వైరల్ అవుతోంది.. ఈ వీడియోను స్వయంగా చైనా రాష్ట్ర మీడియ షేర్ చేసింది.
చైనా తన టియాంగాంగ్ స్పేస్ స్టేషన్ లో మొట్టమొదటి బార్బెక్యూ ఓవెన్‌ను ప్రవేశపెట్టడం ద్వారా అంతరిక్ష యాత్రను సరికొత్త స్థాయికి తీసుకెళ్లింది. చైనా రాష్ట్ర మీడియా షేర్ చేసిన వైరల్ వీడియోలో.. వ్యోమగాములు కక్ష్యలో కోడి రెక్కలను కాల్చడం కనిపిస్తుంది.. ఇది అంతరిక్షంలో మనుషుల జీవన పరిణామంలో మైలురాయి అని చెప్పొచ్చు.
జీరో గురుత్వాకర్షణ శక్తిలో కూడా పనిచేసే ఓవెన్ ను టియాంగాంగ్ స్పేస్ స్టేషన్ కు పంపింది చైనా.. దీనిని షెంజౌ-21 రూపొందించి అంతరిక్ష నౌక స్టేషన్‌కు అందించింది. వ్యోమగాములు దశాబ్దాలుగా ఆధారపడిన సాధారణ రీహీట్ చేసిన లేదా ఫ్రీజ్-ఎండిన ఆహారానికి బదులుగా చికెన్ వింగ్స్ ,స్టీక్‌తో సహా తాజాగా కాల్చిన ఆహారాన్ని అంతరిక్షంలోనే తయారు చేసుకునేందేకు ఉపయోగపడుతుంది.
1/2
— momo看世界 (@momoworldview) November 3, 2025
The Shenzhou-21 crew just pulled off the ultimate space upgrade – they've brought a hot air oven to 🇨🇳's Tiangong Space Station🥳 Now our taikonauts are munching on sizzling, aromatic grilled chicken wings and juicy steaks, pic.twitter.com/L9GaIlsYUy https://t.co/YwRVeeQrBb
ఈ వినూత్న ప్రయోగం.. చైనా అంతరిక్ష కార్యక్రమాల్లో ఒక ముఖ్యమైన అడుగు అని చెప్పొచ్చు. దీర్ఘకాలిక మిషన్ల సమయంలో వ్యోమగాముల జీవన నాణ్యతను మెరుగుపరచడంలో ఇదొక భాగం. షెంజౌ-20 ,షెంజౌ-21 రెండింటి నుంచి సిబ్బంది ఈ ప్రయోగంలో పాల్గొన్నారు. పరీక్ష విజయవంతం కావడంతో ప్రపంచ దృష్టిని ఆకర్షించింది.
