చొప్పదండిని ఎడ్యుకేషనల్ హబ్‌‌‌‌గా తీర్చిదిద్దుతా : ఎమ్మెల్యే సత్యం

•     చొప్పదండి ఎమ్మెల్యే సత్యం 

చొప్పదండి, వెలుగు: చొప్పదండి నియోజకవర్గాన్ని ఎడ్యుకేషనల్ హబ్‌‌‌‌గా చేసి చూపిస్తానని ఎమ్మెల్యే  మేడిపల్లి సత్యం అన్నారు. సోమవారం చొప్పదండి మండలం రుక్మాపూర్‌‌‌‌‌‌‌‌లో రూ.200 కోట్లతో నిర్మించనున్న యంగ్ ఇండియా ఇంటిగ్రేటెడ్ స్కూల్ నిర్మాణానికి అడిషనల్​కలెక్టర్​అశ్విని తానాజీ వాకడేతో కలిసి శంకుస్థాపన చేశారు.

ఈ సందర్భంగా ఆయన మాట్లాడుతూ ప్రభుత్వం విద్యారంగ అభివృద్ధికి కృషి చేస్తోందన్నారు. అనంతరం రైతు వేదికలో మహిళలకు ఇందిరమ్మ చీరలను పంపిణీ చేశారు. కార్యక్రమంలో ఏఎంసీ చైర్మన్‌‌‌‌ కొత్తూరు మహేశ్‌‌‌‌, తహసీల్దార్​నవీన్‌‌‌‌కుమార్, కాంగ్రెస్​ మండల అధ్యక్షుడు శ్రీనివాస్‌‌‌‌రెడ్డి, పాల్గొన్నారు.

కేసీఆర్ ఇచ్చిన చీరలను ఒక్క ఆడబిడ్డ కట్టలే..

మల్యాల/కొడిమ్యాల, వెలుగు: రెండోసారి కాంగ్రెస్ అధికారంలోకి వస్తే మహిళలందరికీ పట్టుచీరలు అందజేస్తామని ఎమ్మెల్యే మేడిపల్లి సత్యం తెలిపారు. మల్యాల, కొడిమ్యాల మండలకేంద్రాల్లో సోమవారం మహిళలకు ఇందిరా మహిళ శక్తి చీరలు పంపిణీ చేశారు. ఈ సందర్భంగా ఆయన మాట్లాడుతూ మహిళల ఆశీర్వాదంతోనే కాంగ్రెస్ అధికారంలోకి వచ్చిందన్నారు.

గతంలో కేసీఆర్ సర్కార్‌‌‌‌‌‌‌‌ ఇచ్చిన చీరను ఏ ఒక్క ఆడబిడ్డ కట్టుకోలేదని ఎద్దేవా చేశారు. అంతకుముందు కొడిమ్యాల మండలం కోనాపూర్ గ్రామంలో 2.5 కోట్లతో నిర్మించనున్న  33/11 కేవీ సబ్ స్టేషన్‌‌‌‌కు భూమిపూజ చేశారు. ఆయా కార్యక్రమాల్లో స్పెషల్ ఆఫీసర్, ఆర్డీవో శ్రీనివాస్, మల్యాల ఏఎంసీ చైర్‌‌‌‌‌‌‌‌పర్సన్‌‌‌‌ మల్లీశ్వరి, లీడర్లు ఆనందరెడ్డి, ఆదిరెడ్డి, మేన్నెని రాజనర్సింగరావు, ప్రభాకర్ రెడ్డి, నారాయణ, శ్రీనివాస్‌‌‌‌గౌడ్‌‌‌‌  పాల్గొన్నారు.