హైదరాబాద్, వెలుగు: సాకర్ లెజెండ్ లియోనల్ మెస్సీ హైదరాబాద్ టూర్‌ సర్వత్రా ఆసక్తి రేకెత్తిస్తోంది. ‘గోట్ ఇండియా టూర్‌’లో భాగంగా డిసెంబర్ 13న ఉప్పల్‌ స్టేడియంలో జరిగే ఎగ్జిబిషన్ మ్యాచ్‌‌‌‌లో మెస్సీతో సీఎం రేవంత్ రెడ్డి పోటీపడనున్నారు. ఈ సెలబ్రిటీ ఫ్రెండ్లీ మ్యాచ్‌‌‌‌లో లియోనల్ మెస్సీ (ఎల్‌‌‌‌ఎం10) టీమ్‌‌‌‌తో తలపడే జట్టుకు సీఎం కెప్టెన్సీ వహించే అవకాశం ఉంది. ఆర్‌‌‌‌‌‌‌‌ఆర్‌9 జెర్సీతో సీఎం బరిలోకి దిగే జట్టులో గవర్నమెంట్ స్కూల్స్‌‌‌‌కు చెందిన ఫుల్‌‌‌‌బాల్ ప్లేయర్లను ఆడిస్తారని తెలుస్తోంది. ప్రపంచ సాకర్ దిగ్గజం మెస్సీతో తలపడే ఈ మ్యాచ్‌‌‌‌లో సెంటర్ ఫార్వర్డ్ పొజిషన్‌‌‌‌లో సీఎం ఆడతారని సమాచారం. ఫుట్‌‌‌‌బాల్‌‌‌‌ను ఎంతగానో ఇష్టపడే సీఎ రేవంత్ రెడ్డి మెస్సీతో మ్యాచ్ కోసం తన బిజీ షెడ్యూల్‌‌‌‌లోనూ రాత్రి పూట ప్రాక్టీస్ చేస్తున్నారని ఆయన సన్నిహిత వర్గాలు తెలిపాయి.
