నారాయణపేట, వెలుగు : వచ్చే నెల చివరి నాటికి బల్క్ మిల్క్ చిల్లింగ్ యూనిట్ పనులు పూర్తి చేయాలని కలెక్టర్ కోయ శ్రీహర్ష ఆదేశించారు. మంగళవారం తన ఛాంబర్ లో బల్క్ మిల్క్ చిల్లింగ్ యూనిట్ల పనులపై రివ్యూ నిర్వహించారు. ఈ సందర్భంగా కలెక్టర్ మాట్లాడుతూ జిల్లాలోని మూడు రూట్ల ద్వారా పాలు సేకరించేందుకు చర్యలు తీసుకోవాలన్నారు.
మూడు వేల లీటర్ల పాలను సేకరించి, వాటిని భద్రపరిచేందుకు ఏర్పాట్లు పూర్తి చేయాలన్నారు. అడిషనల్ కలెక్టర్ మాయాంక్ మిత్తల్, డీవీఏహెచ్ వో శ్రీనివాస్, అనిరుధ్ చారి, డిప్యూటీ డైరెక్టర్ కవిత, మేనేజర్ శ్రీనివాస్ పాల్గొన్నారు.
నర్వ : మండల కేంద్రంలోని జడ్పీ హైస్కూల్ టెన్త్ ఎగ్జామ్ సెంటర్నుకలెక్టర్ కోయ శ్రీహర్ష తనిఖీ చేశారు. పక్కనే ఉన్న ప్రైమరీ స్కూల్ను పరిశీలించారు. తహసీల్దార్ ఆఫీస్లో రికార్డులను పరిశీలించి వివరాలు అడిగి తెలుసుకున్నారు. మండలంలోని పెండింగ్ లో ఉన్న 75 సర్వే నంబర్ అప్లికేషన్లను వారం రోజుల్లోగా క్లియర్ చేయాలని సర్వేయర్ ను ఆదేశించారు.
ధరణి పెండింగ్ అప్లికేషన్ల వివరాలను తహసీల్దార్ మల్లారెడ్డిని అడిగి తెలుసుకుని, వాటి పరిష్కారానికి తీసుకోవాల్సిన చర్యలను వివరించారు. అలాగే ఎంపీడీవో ఆఫీస్ను తనిఖీ చేసి అధికారులు, ఉద్యోగుల మూడు నెలల బయోమెట్రిక్ హాజరును పరిశీలించారు.
