- 7.04 శాతానికి పడిపోయిన రిటైల్ ద్రవ్యోల్బణం
న్యూఢిల్లీ: దేశమంతటా ధరలు కొద్దికొద్దిగా తగ్గుతున్నాయి. పోయిన నెల రిటైల్ ద్రవ్యోల్బణం కొంచెం పడిపోయింది. అయినప్పటికీ.... వరుసగా ఐదవ నెలలోనూ ఆర్బీఐ అప్పర్ టోలరెన్స్ లెవెల్ (ఎగువ సహన పరిమితి) కంటే ఇప్పటికీ ఇది ఎక్కువగానే ఉంది. వినియోగదారుల ధరల సూచీ ఆధారిత రిటైల్ ద్రవ్యోల్బణం ఏప్రిల్‌‌‌‌‌‌‌‌లో 7.79 శాతం నుంచి 7.04 శాతానికి పడిపోయిందని సోమవారం విడుదల చేసిన ప్రభుత్వ లెక్కలు చెబుతున్నాయి.
పెరుగుతున్న ధరల నుంచి వినియోగదారులకు కొంత ఉపశమనం కలిగించేందుకు పోయిన నెల చివర్లో డీజిల్, పెట్రోల్‌‌‌‌‌‌‌‌పై పన్ను తగ్గిస్తున్నట్లు కేంద్ర ప్రభుత్వం ప్రకటించింది. అయితే దీని పూర్తిస్థాయి ఎఫెక్ట్ ఈ ఏడాది జూన్ వరకు కనిపించదని పేర్కొంది. ఈ ఏడాది డాలర్‌‌‌‌‌‌‌‌తో రూపాయి మారకం విలువ భారీగా తగ్గడం వల్ల దిగుమతుల ఖర్చు ఎక్కువయింది.
