మహబూబాబాద్ అర్భన్, వెలుగు: కాంగ్రెస్ పార్టీ దళిత, గిరిజనులకు ఇచ్చిన భూములను బీఆర్ఎస్ ప్రభుత్వం బలవంతంగా గుంజుకుందని కాంగ్రెస్ పార్టీ అభ్యర్థి డాక్టర్ మురళీనాయక్ అన్నారు. మంగళవారం మహబూబాబాద్ మండలం అయోద్య, అమనగల్లు, ముడుపుగల్లు శివారు తండాలలో ఆయన ఎన్నికల ప్రచారం నిర్వహించారు. బడుగుబలహీన వర్గాల అభిన్నతి కోసం కాంగ్రెస్ ప్రభుత్వం ఆధ్వర్యంలో నిరుపేదలకు భూములు ఇచ్చిందన్నారు.
ప్రతి గ్రామానికి ఇందిరమ్మ ఇళ్లు ఇచ్చి ఇంటింటికి సంక్షేమ పథకాలు అందించిన ఘనత కాంగ్రెస్ ప్రభుత్వానిదే అన్నారు. కనీసం తెలంగాణ వచ్చిన పదేళ్లలో ఏ ఒక్క పేదవాడికి రేషన్కార్డు ఇవ్వకపోగ ఉన్న రేషన్కార్డులను బీఆర్ఎస్ ప్రభుత్వం తొలగించిందన్నారు. మిగులు బడ్జెట్తో ప్రారంభమైన తెలంగాణ రాష్ట్రం ప్రస్తుతం 5లక్షల కోట్ల అప్పుతో అర్థికంగా దివాళా తీసిందన్నారు. రాష్ట్రంలో బీఆర్ఎస్ గుండాలు, భూకబ్జాలు,ఆన్లైన్ దందాలతో పాటు అక్రమ రియల్ఎస్ట్రేట్ వ్యాపారాలతో కోట్లకు పడిగెత్తి పేదలను నిట్టనిలువున ముంచుతున్నారని అన్నారు.
