జగిత్యాల, వెలుగు: జగిత్యాల జిల్లాలోని వైద్య విధాన పరిషత్ లో పనిచేసే ఉద్యోగుల సీపీఎఫ్, జీపీఎఫ్, ఏరియర్స్నిధులు పక్కదారి పట్టించిన ఘటనపై విచారణాధికారి శ్రీనివాస్ ప్రసాద్ బుధవారం ఎంక్వైరీ చేపట్టారు. బాన్సువాడ సూపరింటెండెంట్గా పని చేస్తున్న డాక్టర్ శ్రీనివాస్ ప్రసాద్ కు విచారణ బాధ్యతలు అప్పజెప్పడంతో డీసీహెచ్ఏ ఆఫీసులో ఇద్దరు అకౌంట్స్ ఆఫీసర్ల ఆధ్వర్యంలో ఆడిటింగ్ చేపట్టారు.
డిపార్ట్మెంట్నుంచి జారీ చేసిన చెక్కులు, వోచర్లతో పాటు బ్యాంకు నుంచి జరిపిన లావాదేవీల వివరాలను పరిశీలించారు. రూ. కోటి వరకు స్కామ్ జరిగినట్లు భావిస్తుండగా, అకౌంట్ సెక్షన్ లో పని చేసే రికార్డ్ అసిస్టెంట్ యాసిన్ భాగస్వామిగా గుర్తించి ఇదివరకే సస్పెండ్ చేశారు. యాసిన్ నుంచి రూ. 50 లక్షల 12 వేలు రికవరీ చేసినట్లు అధికారులు తెలిపారు.
