యాదాద్రి, వెలుగు: యాదాద్రి భువనగిరి జిల్లా ఆలేరు నియోజకవర్గం తుర్కపల్లి మండలానికి చెందిన 8 మంది టీఆర్ఎస్ సర్పంచ్లు ఆ పార్టీకి రాజీనామా చేసి బీజేపీలో చేరారు. గతేడాది తుర్కపల్లి మండలం టీఆర్ఎస్అధ్యక్ష ఎన్నికపై గొడవ జరిగింది. డీసీసీబీ చైర్మన్ గొంగిడి మహేందర్రెడ్డి కారుపై కొందరు రాళ్లు విసిరారు. ఇందుకు ఆలేరు మార్కెట్కమిటీ మాజీ చైర్మన్పడాల శ్రీనివాస్ కారణమంటూ ఆయనను పార్టీ నుంచి ఎమ్మెల్యే సునీత బైకాట్చేశారు. బహిష్కరణ ఎత్తివేయాలని మంత్రి జగదీశ్రెడ్డి, ఎమ్మెల్సీ పల్లా రాజేశ్వర్రెడ్డిని పడాల కలిసి హామీ పొందారు. ఇది జరిగి ఏడాదైనా బహిష్కరణ ఎత్తివేయకపోవడంతో రాజకీయ భవిష్యత్ కోసం పడాల శ్రీనివాస్ బీజేపీ వైపు దృష్టి సారించారు. ఆ పార్టీ సంస్థాగత నాయకులతో పాటు బీజేపీ చేరికల కమిటీ చైర్మన్ఈటల రాజేందర్, బీజేపీ జిల్లా అధ్యక్షుడు పీవీ శ్యాంసుందర్రావు, మాజీ ఎమ్మెల్యే కోమటిరెడ్డి రాజగోపాల్రెడ్డితో మాట్లాడారు.
శుక్రవారం దాదాపు 500 మంది కార్యకర్తలు టీఆర్ఎస్కు రాజీనామా చేయగా పడాల శ్రీనివాస్ఆధ్వర్యంలో శనివారం 8 మంది సర్పంచులు, మరో పది మంది లీడర్లు ఈటల రాజేందర్సమక్షంలో బీజేపీలో చేరారు. సర్పంచులు జక్కుల శ్రీవాణి, పడాల వనిత, మాలోత్ లలిత, గుగులోత్ జ్యోతి, వంకరి లావణ్య, నునావత్ లలిత, మాలోత్ రమేష్ నాయక్, మలోత్ మంగ్య నాయక్ బీజేపీలో చేరగా ఇదే మండలానికి చెందిన మరో 8 మంది సర్పంచులు రాజీనామా చేయడానికి రెడీగా ఉన్నట్టు సమాచారం. ఆలేరు మార్కెట్ కమిటీ మాజీ చైర్మన్ పడాల శ్రీనివాస్ సైతం ఆదివారం మునుగోడు సభలో కేంద్ర హోంమంత్రి అమిత్షా సమక్షంలో బీజేపీలో చేరనున్నారు.
