వెనీలా, స్ట్రాబెర్రీ, చాక్లెట్, కోకోనట్.. అబ్బో ఇంకా బోలెడు ఫ్లేవర్స్ ఐస్క్రీమ్స్లో. కానీ, ఇప్పటివరకు కొత్తిమీర ఐస్క్రీమ్ తిన్నారా? పోనీ దాని గురించి ఎక్కడైనా విన్నారా! ఛాన్సే లేదు. ఎందుకంటే ఈ ఐస్క్రీమ్ ప్రపంచం మొత్తంలోనే ఒకే ఒక్క చోట దొరుకుతుంది. అదెక్కడ అంటే! చైనాలో. ఈ మధ్యే చైనాలోని మెక్డొనాల్డ్స్మెనూలో చేరింది ఈ ఐస్ క్రీమ్. అయితే ఇలాంటి వింత ప్రయోగాలు చైనా మెక్ డొనాల్డ్స్కి కొత్తేం కాదు.
పైనాపిల్ పై, టారో పై.. ఇలా ప్రపంచంలో మరెక్కడా లేని వంటకాలెన్నో చైనా మెక్డొనాల్డ్స్ మెనూలో ఉంటాయి. రీసెంట్గా అందులో ఈ కొత్తిమీర ఐస్క్రీమ్ కూడా చేరిపోయింది. ఆ విషయాన్నే డానియల్ అహ్మద్ అనే ఆయన ట్విట్టర్లో పోస్ట్ చేశాడు. ఈ ఐస్క్రీమ్ని కొత్తిమీర సాస్, తరుగుతో తయారుచేశారంటూ పోస్ట్లో రాసుకొచ్చాడు కూడా. దాంతో ఈ చైనా మెక్డొనాల్డ్స్ స్పెషల్ కొత్తిమీర ఐస్క్రీం ఇప్పుడు సోషల్ మీడియాలో హాట్ టాపిక్ అయింది. ఈ ఐస్ క్రీం పై మిగతా దేశాల రెస్పాన్స్ అటుంచితే.. మన వాళ్లు మాత్రం ‘ప్లీజ్ ఇక్కడికి మాత్రం తీసుకురావొద్దం’టూ ఫన్నీగా కామెంట్లు పెడుతున్నారు.
